當地同類型旱廁

美國華盛頓州一名女行山客,日前去到 Mt. Walker 忽然人有三急,去公園內嘅旱廁方便。點知一個唔留神,手機跌落廁坑。為咗要拯救手機,佢唔理廁所有幾臭,一手拉開廁坑木板,打算用狗帶吊返手機上嚟。

可惜,拯救行動未如理想,無計可施之下,行山客用狗繩縛住自己,然後下降落糞坑執手機。點知佢又無技術又無裝備,結果成個跌咗落去。雖然執到部手機,自己就身陷「險境」,嘗試10至15分鐘逃出失敗後,結果佢用執返嚟嘅手機,報警求助。

救人嘅消防員

消防員快速趕到現場,迅速將行山客救起,有份救援嘅消防員話,職業生涯從未遇過呢類行動,而被救嘅行山客,拒絕送院檢查,甚至拒絕消防員借水喉畀佢沖身。呢位行山客話,佢只係希望第一時間離開呢個令佢難堪嘅現場。

據消防員指,旱廁糞坑一般唔會太深,跌咗落去未必會浸死,不過仍然危險,大家唔好立亂落坑。

資料: Kitsa Sun


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 行山 Hiking > 手機不幸跌旱廁,行山客欲自救反被困糞坑