上回所提到既石壟仔坑,依家為大家介紹石壟仔石林 (玩完石壟仔坑可接石林玩,”既方便又快捷”)

石壟仔石林 5石壟仔石林係鹿巢山石林區三個石林之一 (相信係本港最大既石林),其餘兩個則為鹿巢頂石林及鹿巢坳石林。

今次由最簡單既路線直擊要害!由富安花園行馬路上梅子林,行經堤壩後就見有小路登山了(如下圖紅色剪咀所示)。

(按圖放大)
(按圖放大)

進入登山小路
石壟仔石林 13建議大家係到石林前不要太多停留,因為小徑中有大量餓蚊在等候
石壟仔石林 4鏡頭一轉我地就到左石壟仔村吳祇祠堂了。亦係上次玩石壟仔石澗,出澗後落番富安花園途經既地標(有興趣可參看我的文章: 《石壟仔坑遊記》)

石壟仔石林 1

沿住祠堂右邊行就係登上石林既小路,途中會有一個分叉路兩條路都可以通出石林;直上就係由石林底正下方捐出去,右邊小路就係由石林右邊出。今次我地行右邊
石壟仔石林 6黎番張遠景畀大家參考下石林分佈(攝於石芽山北脊),所以由右邊玩到左邊,邊玩邊上應該就可以玩盡石林既奧妙。
石壟仔石林 12石林對面既係石芽山
石壟仔石林 7石林中有大量有趣奇石
石壟仔石林 2呢舊石叫巨蟒噬咬石
石壟仔石林 8差唔到玩到石林頂部,回望梅子林村
石壟仔石林 9離開石林靠東落少少會見到隱藏係灌木中既蜥蝪石,不過太頹無影到相XD

如果繼續上山既話就會接到鹿巢頂石林,就係有出名既獨木舟石既所在!
石壟仔石林 3由於時間所限無太詳細玩鹿巢頂石林,影左幾張相就各散東西。呢道出番麥徑都係十幾至二十分鐘,走人路線太多不作詳述了
石壟仔石林 10行石林既話比行石澗難度較底,但唔可以缺乏安全意識。出發前記得做好熱身呀!

更多:
Fitz.hk Facebook專頁
石壟仔坑遊記
2條大嶼山齋宴遊路線
Fitz Hiking 行山

分享
驚逝
十幾年前諗住跑步黎強身健體,後來識左位朋友約我去行山,我心諗咁悶咪搞我,但嗰位朋友搞行嗰D好有趣好刺激既,所以我應承了去行山。太平山嗰D唔好計,第一次叫做認真地行山係去悟桐寨上大帽山第二次已是彌散石澗了,自此開始對行山感興趣。到依家興趣包括行山、行澗、綑邊...間中會參加下比賽。於2005年TC36得到青少年組季軍,2008年得到山頭霸王公開組季軍。