曾志成 (左) 及曾朗傑兩父子 圖: Topo Athletic HK

曾三次登上珠峰嘅香港登山好手曾志成 (John),日前再次啟程前往尼泊爾,挑戰登頂。今次 John 組成嘅登山隊,包括兩位本地攀山教練,以及18歲囝囝曾朗傑 (Bob) 。如果登頂成功,兩父子將成為香港首對登上世界之巔嘅父子兵。

被問及點解帶埋囝囝登山,曾志成話:

「我希望趁 Bob 讀大學之前,同佢一齊做番件事。登唔登到頂唔係最重要,同佢一齊擁有一份回憶,先係我最希望做到嘅嘢。」

事實上,Bob 登山紀錄絕不失禮: 16歲時登上南美洲最高峰 Aconcagua (6,961米),創下最年輕香港人登頂紀錄。如果 Bob 今次成功登上珠峰 (8,848米),就會刷新2018年陳家希紀錄,成為最年輕登上珠峰的香港人。

2018年曾志成成功登上珠峰

曾志成表示,疫情下被逼留港無去到海外訓練,成為今次挑戰一大難關。John 解釋,留在香港令團隊缺乏高度及雪地訓練,應對策略,就是進行嚴厲的體力訓練: 跑山及踩單車,以及負重全走80公里衛奕信徑,以提升耐力及適應負重登山。此外,團隊在香港會練習繩索技術,令登山時更快進入狀態。

而早前有傳政府強檢封城,令曾志成決定更改機票提早起程,亦因如此,團隊有機會於尼泊爾提早適應實地環境及氣候。

「我哋計劃提早到達尼泊爾後,可以上多幾個五、六千米嘅山,咁樣對適應環境有好大幫助。」曾志成團隊會先攀登尼泊爾的三座高山,包括6474米梅樂峰 (Mera Peak)、6160米島峰 (Island Peak) 以及6145米羅布崎峰 (Lobuche Peak)。

曾志成及其隊員已抵達尼泊爾

曾志成計劃完成珠峰之旅後,會飛到美國阿拉斯加,攀爬6194米北美洲最高峰 Denali,預計今年7月結束旅程。

相片由被訪者提供


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 行山 Hiking > 曾志成再攀珠峰.有望成香港首對登上世界之巔父子兵