[樂施毅行者2019] 如何挑選最合拍的隊友?

山雞 2019-07-02

今年嘅樂施毅行者已進入登記程序，成功中籤嘅朋友，一方面開香檳慶祝，另一方面要趕緊組成四人隊伍，開始展開操練計劃了，仲要記住以下重要日子，以免因程序出錯慘被DQ。

樂施毅行者2019重要日子

7月3日: 中籤隊長提交3位隊員個人資料的最後限期，並繳交登記費。 (除了隊長外，隊員可在活動前更改。)
8月26日: 隊伍退出的最後限期。喺呢一日之前，可以退回 $1600登記費。(一決定唔玩都應該盡早通知樂施會，以令有心參加嘅補候朋友可以中籤上線。)
10月15日前: 確定隊員之個人資料。過了這日子，更換隊員需要繳交費用。
- 10月16日至11月12日: 每位隊員200元
- 11月15日活動日: 每位隊員500元 (只收現金)
11月15日至17日: 樂施毅行者活動日
12月17日: 收集捐款限期

* 凡未能遵守上述規則之隊伍，樂施會有權不接受其所有隊員日後申請參加「樂施毅行者」*

新一代的紙造手帶，其實不用較剪也可以用手撕開。

----- 廣告 Ad -----

無論報名之前係咪已經組別隊伍，中籤中後總需要重整隊伍。甚至唔少人都係中籤先算。無論咩情況，都需要挑三位合拍嘅隊友。

你揀嘅隊友除咗要一齊喺48個鐘內行足100公里之外，由而家到11月，佢哋仲係你嘅操夥伴，大家齊上齊落，同甘共苦。

當然，每個人都要揀隊友嘅唔同準則。而我就覺得以下呢幾點相當重要:

行得快未必好，最緊要四人步伐一致。如果大家能力相差太遠，有人要等人，有人要被等，喺毅行者需要每個checkpoint四人一齊過嘅規例之下，呢個並唔係一個理想情況。
大家先對一對時間表，睇下可唔可以 (或願唔願意) 喺呢幾個月一齊操練。唔一齊操番下，大家係唔會默契。不過一齊操練亦唔講緊一兩課咁少囉。
能成為隊友總帶著愛。時間唔係最重要，最重要係大家都有四人一齊衝線嘅決心。(咁計較時間不如玩個人賽)
記得搵埋第五人、第六人、第七人。佢哋係你活動當日嘅補給大軍，好重要! 而佢哋越早參與你哋嘅操練，就可以作出更好嘅準備。 (可參考《[樂施毅行者] 毅行隊伍的「第5人」》)

總之，咪以距離11月中仲有大把時間，要好好計劃，好好準備，先可以開開心心完成活動!

----- 廣告 Ad -----

十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。