大欖涌水塘至大棠 毅行者[按:「毅行備戰」呢個系列,想將毅行者嘅基本資料重新整理,山雞希望可幫到各位毅行新手啦。各位如果係毅行老手,亦歡迎同大家分享你行毅行者嘅經驗。]

大欖涌水塘至大棠 毅行者
毅行終點:大棠

第十段:大欖涌水塘至大棠(CP9—終點)

標距柱:M168-終點 (臨時標距柱OTW197)
距離:11.3公里
途經:早年有人向大會投訴,指麥理浩徑實際不足100公里。大會樂施會有見及此,2009年將第十段路線更改,而毅行的第十段,也離開了麥理浩徑:

  1. CP9離開大欖涌水塘M174標距柱,沿水塘北岸泥路走;
  2. 泥路盡頭,轉往大棠方向;
  3. 到達分叉路,必須通過大會之中途檢查站,防止有人走捷徑;
  4. 繼續依指示牌往大棠方向;
  5. 到達大棠燒烤場,由自然教育徑,進入保良局大棠渡假村。

(注意:詳細路線請參照樂施毅行者參加者手冊。)

有好心行山友製作咗呢一段嘅短片:

路況及地勢:

  1. 初段為沿水塘嘅泥路,快跑或慢走皆宜。(只係參加者無晒力,想快都唔得)
  2. 中段有石屎斜路,部份道段斜度甚大
  3. 末段為大棠郊遊徑,有水塘林道,有樓梯上落
  4. 黃泥墩水塘
    黃泥墩水塘
一般朋友對呢段都唔多熟,大會指示其實好充足。必要時留言政府標示。
一般朋友對呢段都唔多熟,大會指示其實好充足。必要時留意政府標示。

注意事項:

  1. 大多數參加者有時間都行多幾次針草帽,所以一般參加者都唔熟呢段路。所以行到呢一段,會有渡日如年嘅感覺
  2. 中後段有大斜路,有樓梯上落,嗰時唔係講技術,而真係要靠意志力頂硬上,總之唔好心急啦
  3. 進入渡假村後,咪以為終點在望。參加者會喺渡假村走一大段路。到你確實見到指示,先好全力衝線影張靚相
  4. 唔好怕醜怕麻煩,Call齊朋友屋企人到終點同你打氣。過終點呢一嘢,可能係你一生中最難忘嘅一刻!
樂施毅行者2014,香港首位女子衝擊13小時成功。
樂施毅行者2014,香港首位女子衝擊13小時成功。

到達終點的目標時間:
全程25小時:25小時(分段2小時30分)
全程30小時:30小時(分段3小時)
全程35小時:35小時(分段3小時30分)

註:有關「目標時間」

毅行者各站目標時間參考自樂施會官網2012年參加者小冊子,千祈唔以為係行貨,根據本人經驗,佢列出嘅「目標時間」極有參考價值,計埋路況、山徑艱難程度,甚至休息時間。參加者依住佢個時間,可控制自己步速。

至於我只列舉25至35小時作參考,是基於對新手來說,這個時間概不用捱兩晚眼訓,而又不太難去衝破。當然,提多一次,呢個毅行備戰系列主要為新手而設,各位老手有咩心得,記得留言同我多多交流呀。

更多資料:樂施毅行者官方網頁

更多:
[毅行備戰] 系列
山雞其他文章
Fitz Hiking 行山


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > [毅行備戰2015] 第十段: 大欖涌水塘至大棠