係開始之前，我哋以為只有我哋。
但隨住時間移動，知道顧問畸畸都抽中左，之後再陸陸續續有團員補中，心情難免既興奮、又可惜; 值得興奮既係，係100公里既道路上又多個戰友；而可惜既係，Support 地點會少左人支持。但講到底，雖然大家都好煩、好嘈，但諗到大家一齊努力、一齊玩、一齊留下一個難忘既經歷，都係一件好好既事。
最後，估唔到一齊玩既朋友多到可以組成 “毅行大聯萌”，當中包括:
雖然大家都有唔同既目標時間，但更重要既係我地有同一個終點。話分兩頭，多人一齊玩既另一個好處係，除左個三個麻 (煩) 甩佬之外交，終於有其他人可以一齊操山 (講起都感動落淚)。係顧問畸畸既組織底下，小弟最期待既活動終於發生:
佛系24 x POWERGALS x FORERUNNER X FOURFINISHERS x 勝敢悠蜜 x 兩名女子
毅行大聯萌－夜遊麥徑 (5-8)
坦白講，打個活動名已經覺得好有氣勢，夜晚十一點獅子亭出發，目標係蓮姐。起步前，當然唔少得一張大合照!
就係咁，一行十一人浩浩盪盪咁出發。
上次夜山既經驗係：眼訓同攰，加上落大雨，整體黎講都算係辛苦。今次仲要行得長左，所以本身期望都唔係好大，可以做既係好好準備裝備，出發前再飲左罐咖啡，希望漫漫長夜可以快快過去。
唔知係咪人多熱鬧既關係、定係咖啡因，成個過程都冇想像中咁攰咁眼訓，而且天清氣朗，溫度都舒服既，可以走快一啲。途中仲可以好清楚睇倒香港醉人既夜境。
五段係大家既談笑聲入面好快走過。六段，穿過九龍水塘，繞經金山，不經不覺就去到城門水塘，五六段本身難度不大，作為夜行既前半部，感覺可以為後半段既辛勞裝備多份滿足感咁!
可惜師父同師母因為第二日要返工，所以係水塘先行離去。但正正因為咁，可見佢地對毅行既認真同決心(當然不能排除既係，師父都好想同好多女仔一齊行山)。繼續出發，當大家望上天空，見倒既係滿天星星、銀河同彩虹。唔好問點解見倒彩虹，我都唔知，但星星同銀河，真係清晰可見。係操山既過程中，當攰既時候，抬起頭，見倒璀璨既夜空，有種難以形容既幸福感。
也許針山很難，難就難在要行1693級樓梯怎麼辨。噢，對的，1693級係一路行既時候數既，點解要數!?沈佳宜會話：
感覺上哩個係其中一樣，但如果下次操山行左108級，就知道前面仲有1585級等住要行。
一口氣行到去山頂，事實係哩件仍然唔係一件輕鬆既事，但努力得黎既，好似多左一份價值。
I am so poud of You guys.
講一段小插曲，係上山之前，畸畸千叮萬足，帶頭上針行45分鐘，唔好行咁快，佢經過精密計算同驗算同覆算，原因係勝敢悠蜜pb上針要40分鐘，加上之前行左五六段，而且係夜山，45分鐘就最啱啦。然後佢將哩段說話重複同我講左20次(媽，畸畸好煩呀)…最後，勝敢蜜用左38分鐘就登針，好對唔住，係佢地迫我行快d架! 但同時睇倒佢地不繼努力換黎既成長，恭喜又pb啦! 下次30分鐘好上到去啦!
有時係最後面望住大家，會擔心到底行唔行得哂呢，大家都返完工，又有琴日操完，又有帶傷上陣。但結果証明大家既毅行力都比我想像中好，不要離我太遠~~~
係畸畸既帶領下，淨返辛苦既六段都行過啦，去到7段開始個亭到既時候，大家都好似揹上多一份疲勞。而攰既程度大概下圖女子最能夠反映：
如果要講今次既不足的話，大概係糧食既準備掛，夜行容易肚餓既程度比我地想像中高，Power糖、PowerGel、Power餅全部出哂黎，食到變 PowerMan 都不及一個飯團黎得吸引，當然仲有畸畸個花生都變得特別好食，下次要再注意一下。
>
整理完行裝繼續上路，四方山仍然都係令人意志消沈，唔驚! 當抬起頭，望下個天，感覺就會好返。我要努力向上，不枉諸君寄望!!!
大家好努力，但大家不說。然後終於趕得切係天光前上到四方山頂。而努力得到左大自然既回報: 天空好靚，五顏六色! 噢，對的，今次真係好似見倒彩虹咁!
去到四方山頂終於可以好好休息一下，畢竟最難過既已經渡過左，而最美好既 一陣就會來臨! 大家都面露笑容，但依然，剪影下既畸畸同我係靚啲，所以都係出哩張大合照!
玩下影下，不經意日出。學畸畸話齋，好似好耐冇睇過日出咁，原來加埋汗水同乳酸、同靚女一齊睇，會有多一種額外既感動。
“日出的美，不及一半的您。”
當然唔少得最重要既一張小合照！
繼續出發，心情已經豁然開朗，由操山變左郊遊，行下、影下相，向白波進發。
28K 順利完成，係蓮姐手上接過畢業証書，再黎張大合照，而畸仙人已經進入夢鄉。
係毅行路上，興幸仲有一班志同道合既伙伴同佛系24一齊玩、一齊痴線，多謝您地。而今次既相有賴畸先生、S小姐、勝敢蜜小姐s幫忙拍攝，多謝您地。仲有既當然係電腦同手機前面既您地，希望您地可以繼續支持，我地都會繼續努力。多謝，多謝大家!
最最後，如果對笑有興趣的話，可以睇返以下片段。
笑完之後，有興趣做 Support 既可以將 CV 寄去我地FB話。冇興趣既都可以 like 返 FB。我地總會搞盡心思引你地笑!
你們每一個喜歡，是我們每一點動力。
係結束之時，我地相信會有大家。
Fitz 連結: https://fitz.hk/?p=103161
Fitz Facebook專頁
[佛系24] 七一大夜行 麥徑三、四段
[佛系24] 佛系操山 麥徑四段
[猛龍慈善跑2018] HNR 團結就是音量
超人•不會跑@Fitz
超人•不會跑 — 地盤佬，熱愛跑街。希望有一日可以完成六大馬。
