我心目中最能代表毅行者的人
樂施會舉辦了起步前的記者會,邀請對毅行者有貢獻的人士出席,這裏包括了KK與Danny Thapa (右二及右三)。

講到毅行者最具代表人物,或者大家好似我咁,我都會第一時間諗到被譽為「毅行者先生」嘅KK陳國強。KK除了係多次嘅毅行冠軍外,仲好積極培訓新手挑戰毅行活動,目的係為咗將行山運動普及,以及幫助樂施會籌款。而佢近年所強調,已經唔單只係佢深入淺出嘅行山技巧,而係四人八腿一條心嘅團隊精神。毅行者的代表人物_01今年樂施會搵埋電台DJ森美,拍咗六條毅行心法嘅短片。起步前睇一睇,可以明白更多KK嘅毅行者精神。

即睇:《森美 x KK之行山秘笈 》

第二位我眼中最有代表性毅行人物,就係前駐港啹喀沙展Danny Thapa。每年樂施會舉行毅行前嘅記者會,沙展佢差唔多年年都有出席。全因為佢可以話係香港毅行者創始人。佢70 年代末期協助策劃麥理浩徑的路線外,亦曾於1981年參加首屆「毅行者」。當時「毅行者」係特別為駐港啹喀兵而設的軍事訓練項目,鍛煉佢哋嘅體能同耐力。

後來,呢項活動成為啹喀兵為故鄉尼泊爾籌款項目。喺97回歸前,毅行者嘅善款為尼泊爾興建咗超過100間學校。毅行者的代表人物_02另一位對推動毅行者活動有負獻的人,就係作家蔡東豪。佢嘅著作《TrailWalker 毅行者》,親身採訪好多毅行者嘅人同事,對於大家認識呢項活動非常重要,而且佢長年有撰寫《毅行者出哲學》嘅網誌,對推動毅行者活動起了正面作用。毅行者蔡東豪

「行到邊,總有夥伴喺身邊」
“Side By Side, Together We Thrive”
Fitz全力支持樂施毅行者2015


#Fitz.hk為樂施毅行者2015媒體伙伴

更多:
[毅行速報] 最完備的物資裝備清單
[毅行速報] 組織你嘅支援隊
[毅行速報] 最後的備戰階段
毅行者@Fitz.hk
Fitz Hiking 行山

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。