大刀屻呢個名應該好多人都聽過,係觀音山同雞公嶺中間,因為外形似刀刃,兩邊都係懸崖,好多人都以為好難行唔敢去。但行過一次之後,就會知道其實唔難,只不過係無盡既樓梯同行極都好似未行完咁。

大刀屻山脊險峻
大刀屻山脊險峻

大刀屻我自己行過2次,第1次行係冬天得10度左右仲要好大風好大雨,第2次係夏天雖然都有小小風,但係成30度真係好焗,仲要不停落雨,兩次天氣都麻麻所以大部份相都係用電話求期影。不過建議女仔唔好學我自己一個人去,因為我呢兩次行大刀屻由上山到落山係一個行山人士都見唔到,特別我第1次行既時候成2點30先出發,落山時已經開始天黑,其實條路都幾恐怖。

烏雲密佈
烏雲密佈
山徑唔算難行
山徑唔算難行

(編按:以下路線係由林錦公路為起點)

去大刀屻好簡單,元朗/大埔搭64k巴士係嘉道理農場落車。然後見到呢個郵箱就行入去,沿住條路一直行好快就見到路牌,仲會見到一個漁護署嘅警告牌。

呢度入去
呢度入去
官方時間4小時
官方時間4小時
唔好睇小呢d警告牌,大刀屻大風大雨既時候都幾恐怖下
唔好睇小呢d警告牌,大刀屻大風大雨既時候都幾恐怖下

之後一路都係不停咁行樓梯上,某D梯級都幾高下,女仔可能要用多D力先上到,好快就會見到一個懸崖危險既牌,繼續行景觀就慢慢開揚,回頭望仲會見到大帽山同觀音山。

D梯級都幾高下
D梯級都幾高下
回望觀音山及大帽山
回望觀音山及大帽山

慢慢行到去山脊,就睇到前面又上又落既山脊,左邊望到雞公嶺同錦田一帶,右邊就望到林村、大埔。

望住宏偉既雞公嶺
望住宏偉既雞公嶺
錦田、米埔一帶
錦田、米埔一帶

大埔景色

夏天揹住相機腳架鏡頭2L水都唔惹小
大埔景色
夏天揹住相機腳架鏡頭2L水都唔惹小
夏天揹住相機腳架鏡頭2L水都唔野小

突然行到去某個位就會見一個v形既位,見到應該會好氣餒,咁辛苦上到咁高,又要沿住樓梯落返去,再上返黎。過左v形位,就會見到大刀屻聞名既鐵鍊,條路突然變到好窄,仲有好多石頭,睇落好危險,但其實小心d就冇事。

回望大帽山已經入左雲
回望大帽山已經入左雲
無盡天梯
無盡天梯

繼續前行就見到大刀屻既標高柱(566米),稍微休息下就繼續出發,又上又落會行入森林,我第2次行既時候,被不知名昆蟲襲擊,跑左成1k先走得甩,跑完1k再行多陣好快就會到達北大刀屻標高柱(480米),黎到呢個位就代表都已經行左一大半路程。

大刀屻
大刀屻
北大刀屻
北大刀屻
繼續行,清楚望到大埔及吐露港
繼續行,清楚望到大埔及吐露港

繼續前行會行入密林,跟住指示牌去粉嶺火車站,路徑變做石屎路,經過箕勒仔去到一個觀景台,向前行仲會見到一個唔起眼既標高處,踏入蝴蝶山徑,沿住石屎樓梯一直落,經過涼亭、兒童遊樂場,之後見到石屎斜路繼續行,好快就會到達終點-粉嶺蓬瀛仙館。

已完成3分之2路程
已完成3分之2路程
係呢度見到斬樹黨,嚇死我即刻跑
係呢度見到斬樹黨,嚇死我即刻跑
到達終點!
到達終點!

整體黎講,大刀屻真係唔難行,但出發前請先評估自身體力、裝備、經驗及天氣。

Ko Facebook專頁

更多:
Fitz.hk Facebook專頁
[每個人心中有座山] 香港之巔大帽山
[行完食餐好] 5大海鮮團行山路線
[全港郊遊渡輪班次] 行山郊遊唔少得 (下)
Fitz Hiking 行山