----- 廣告 Ad -----
全香港咁多座山,但我偏偏對大帽山情有獨終,全香港最高既山,到底佢有咩好?
1. 風景變幻萬千
貴為全港最高峰,大帽山957米,天氣變化分分鐘快過女人變臉,天氣好既時候,除左可以睇到基本既日出、日落、星星等,更加有機會遇上雲海。除左天然景觀外,係四號觀景台更可以望到元朗錦田一帶,宏偉既大刀屻同雞公嶺就係面前,沿車路上山就可以睇到荃灣青衣一帶。
![大帽山日出](https://i0.wp.com/fitz.hk/wp-content/uploads/2016/05/香港之巔大帽山-2.jpg?resize=760%2C570&ssl=1)
大帽山日出
![大山日落穌光](https://i0.wp.com/fitz.hk/wp-content/uploads/2016/05/香港之巔大帽山-3.jpg?resize=760%2C494&ssl=1)
大山日落穌光
----- 廣告 Ad -----
![夜景,我朋友幫我影的](https://i0.wp.com/fitz.hk/wp-content/uploads/2016/05/香港之巔大帽山-4.jpg?resize=760%2C428&ssl=1)
夜景,我朋友幫我影的
![雲海](https://i0.wp.com/fitz.hk/wp-content/uploads/2016/05/香港之巔大帽山-5.jpg?resize=760%2C570&ssl=1)
雲海
![雲海](https://i0.wp.com/fitz.hk/wp-content/uploads/2016/05/香港之巔大帽山-6.jpg?resize=760%2C486&ssl=1)
雲海
2. 多種路線
上大帽山有好多條唔同路線,有長線、短線,有好簡單既石屎路,亦都有需要一定體能直接鏟上去既山路,方便大家根據時間、體力、心情、天氣去選擇,而且大帽山既髮夾彎每一層都有捷徑方便上落(新手勿試)。
![喺髮夾彎遠眺市區](https://i0.wp.com/fitz.hk/wp-content/uploads/2016/05/香港之巔大帽山-7.jpg?resize=760%2C494&ssl=1)
喺髮夾彎遠眺市區
----- 廣告 Ad -----
3. 交通方便
早上 : 可以係荃灣西鐵站或錦田上村總站搭51號巴士,比較麻煩既係,平日半個鐘至一個鐘先得一班車。
凌晨 : 家住錦田,試過幾次零晨時份搭的士去到荃錦坳巴士站(麥8終點),怕鬼又怕拐子佬既我再自己一個女仔摸黑上山,後來有一次我行某座山發生過意外後,我唔敢再亂黎,我就選擇搭的士上到去停車場閘口果度。後來越來越懶,為左訓晏小小就會選擇日出前一個半小時先揸車出發去停車場。
4. 仙氣!! (食得太多白果發悔氣mode)
想體驗仙氣最簡單方法一定係上大帽山,大帽山經常入雲,濕度高達90%以上,所以係大帽(霧)山入面係保濕洗頭最佳方法。
![濕到眉毛睫毛都係水珠,頭髮好似洗完頭咁](https://i0.wp.com/fitz.hk/wp-content/uploads/2016/05/香港之巔大帽山-8.jpg?resize=599%2C700&ssl=1)
濕到眉毛睫毛都係水珠,頭髮好似洗完頭咁
![我企正係波波下面影,但大霧到咁近都係睇唔到](https://i0.wp.com/fitz.hk/wp-content/uploads/2016/05/香港之巔大帽山-9.jpg?resize=760%2C570&ssl=1)
我企正係波波下面影,但大霧到咁近都係睇唔到
![影呢張相果日已經唔算好大霧](https://i0.wp.com/fitz.hk/wp-content/uploads/2016/05/香港之巔大帽山-10.jpg?resize=760%2C570&ssl=1)
影呢張相果日已經唔算好大霧
最平民化路線
今次就同大家分享呢條最簡單最平民化既上大帽山短線,以後有機會再分享其他長線。呢條路線如果唔需要休息唔停低影相,正常速度慢行上山只需要1個半鐘就到達山頂禁區閘口。
搭51號巴士係郊野公園站落車,過馬路行去對面既巴士站,會見到有一個地圖指示牌。
![見到呢個牌就入去](https://i0.wp.com/fitz.hk/wp-content/uploads/2016/05/香港之巔大帽山-11.jpg?resize=760%2C570&ssl=1)
見到呢個牌就入去
沿樓梯上去會見到墳墓,繼續向前行然後轉左繼續上梯級,大概1-2分鐘後,就到達遊客中心,如果唔想再行梯級(呢度一直上去既15-20分鐘都會係梯級),可以轉右行車路斜路直上。
![拾級以上](https://i0.wp.com/fitz.hk/wp-content/uploads/2016/05/香港之巔大帽山-12.jpg?resize=525%2C700&ssl=1)
拾級以上
![完全唔想行樓梯既就可以係落巴士後直行見到呢個牌沿車路上](https://i0.wp.com/fitz.hk/wp-content/uploads/2016/05/香港之巔大帽山-13.jpg?resize=525%2C700&ssl=1)
完全唔想行樓梯既就可以係落巴士後直行見到呢個牌沿車路上
行10分鐘左右回頭望已經可以望到荃灣青衣一帶了,再行多10分鐘左右,抬頭望就會見到大帽山波波係眼前,繼續跟住波波方向行,然後會落一小段樓梯,就去到M153會見到野餐檯同有個涼亨。
![回望就見到荃灣青衣一帶](https://i0.wp.com/fitz.hk/wp-content/uploads/2016/05/香港之巔大帽山-14.jpg?resize=760%2C461&ssl=1)
回望就見到荃灣青衣一帶
![再前行就會見到錦田](https://i0.wp.com/fitz.hk/wp-content/uploads/2016/05/香港之巔大帽山-15.jpg?resize=760%2C532&ssl=1)
再前行就會見到錦田
![沿路好多奇形怪狀既石頭都可以坐低休息](https://i0.wp.com/fitz.hk/wp-content/uploads/2016/05/香港之巔大帽山-16.jpg?resize=525%2C700&ssl=1)
沿路好多奇形怪狀既石頭都可以坐低休息
沿車路直上,係右手邊會見到有個指示牌,可以入去大帽山最廣闊既4號觀景台。
![景色優美](https://i0.wp.com/fitz.hk/wp-content/uploads/2016/05/香港之巔大帽山-17.jpg?resize=760%2C480&ssl=1)
景色優美
![天氣好時坐係度吹下風好舒服好寫意](https://i0.wp.com/fitz.hk/wp-content/uploads/2016/05/香港之巔大帽山-18.jpg?resize=760%2C434&ssl=1)
天氣好時坐係度吹下風好舒服好寫意
係4號觀景台既草地行上去再轉左會見到一間荒廢小屋,落返黎就去到停車場閘口。如唔入去觀景台,繼續沿車路直上就會到。
![停車場上面睇日落都好靚](https://i0.wp.com/fitz.hk/wp-content/uploads/2016/05/香港之巔大帽山-19.jpg?resize=760%2C461&ssl=1)
停車場上面睇日落都好靚
望到警衛室穿過閘口直上髮夾彎,沿路會有好多捷徑可以唔洗咁樣一層一層兜黎兜去,但新手同天氣差既時候都係行返石屎路比較好,試過落雨行捷徑落山,臨掂地時成個人跣左落黎,比路過既踩單車人士扶返起身真係好尷尬。唔影相既話係4號觀景台開始慢慢行大約30-45分鐘就可以去到禁區閘口。
![彎](https://i0.wp.com/fitz.hk/wp-content/uploads/2016/05/香港之巔大帽山-20.jpg?resize=760%2C507&ssl=1)
彎
----- 廣告 Ad -----
![好多人都會係呢舊石影相留念(注意安全),如果係假日仲有機會要排隊影相](https://i0.wp.com/fitz.hk/wp-content/uploads/2016/05/香港之巔大帽山-21.jpg?resize=760%2C456&ssl=1)
好多人都會係呢舊石影相留念(注意安全),如果係假日仲有機會要排隊影相
![繼續上山](https://i0.wp.com/fitz.hk/wp-content/uploads/2016/05/香港之巔大帽山-22.jpg?resize=760%2C507&ssl=1)
繼續上山
![禁區](https://i0.wp.com/fitz.hk/wp-content/uploads/2016/05/香港之巔大帽山-23.jpg?resize=760%2C507&ssl=1)
禁區
然後就可以沿路折返落返去荃錦坳。
![落山時剛好準備日落](https://i0.wp.com/fitz.hk/wp-content/uploads/2016/05/香港之巔大帽山-24.jpg?resize=760%2C378&ssl=1)
落山時剛好準備日落
![跑落山可以避免腳痛](https://i0.wp.com/fitz.hk/wp-content/uploads/2016/05/香港之巔大帽山-25.jpg?resize=760%2C425&ssl=1)
跑落山可以避免腳痛
下次再介紹繼續沿大帽山林道行既路線,會經過景色極壯觀既四方山再到達鉛礦坳,順便分享下我由大帽山行8個鐘返到公司既過程。
![美麗的四方山](https://i0.wp.com/fitz.hk/wp-content/uploads/2016/05/香港之巔大帽山-26.jpg?resize=525%2C700&ssl=1)
美麗的四方山
注意: 出發前自行評估自身體力狀況、經驗和裝備是否充足,大帽山部份路段沒有手機訊號,而且天氣變幻莫測,早晚溫度差異大,請準備妥當,安全至上。
更多:
Fitz.hk Facebook專頁
[行完食餐好] 5大海鮮團行山路線
[全港郊遊渡輪班次] 行山郊遊唔少得 (下)
Fitz Hiking 行山