大媽話唔知呢啲係乜，所以玩完一輪放番落海。圖: 網上圖片
關心本地郊野嘅 The hiking Database 山野‧新聞庫 發表一則消息，指內地社交媒體「小紅書」有人出教學帖，教人去香港某海岸捉海參、海星、蠔類、貝殼。從相中睇到，呢位大媽收穫甚豐，隨時將人哋一家十八口一次殺清光。
呢位大媽發帖話「今日收獲豐富」，帖文更詳細列出前往該海岸嘅方法，以及所攜帶工具，猶如係一個旅遊指南。好彩近日中港因疫情封關，否則隨時引來大批旅客到訪該處。
為免鼓勵大家去呢度打擾海洋生物，筆者係唔會公開地點，但可以話畀大家知，嗰處係郊野公園範圍，所以有關人士已經觸犯《郊野公園條例》:
禁止或限制在郊野公園或特別地區內殺死、獵捕、設陷阱捕捉、騷擾或打擾任何種類的野生動物
根據法例，觸犯條例最高可罰款$5000以及監禁一年。
大媽話呢啲海星唔係佢，係佢朋友 圖: 網上圖片
海洋生物清潔海洋
無緣無故，又唔係流落荒島無糧食，點解要去捉海洋生物? 事實上，呢啲生物絕大多數都對海洋有益，好似話:
----- 廣告 Ad -----
- 蠔類: 過濾海水重金屬
- 海星: 以海藻為食糧，能幫助珊瑚生長
- 海參: 有海洋清道夫之稱，潔淨海水
- 貝類: 過濾海水
認真呼籲大家，請好好愛惜海洋生物。
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。