----- 廣告 Ad -----
夏天行山,最重要嘅補給一定係飲用水! 適時飲水,係是避免中暑等意外的重要一環。幾時飲水固然係一門重要學問,而帶幾多水亦要認真研究。
缺水徵狀
飲唔夠水,往往令身體缺水,影響運動表現,甚至可以引發抽筋、頭暈等,嚴重可導致中暑等症狀。
在行山時,當然不能藉著磅重去知道身體流失多少水份。但憑徵狀已知道缺水的階段了。
----- 廣告 Ad -----
要帶幾多水?
行山帶幾多水? (可參考《水多人不怪? 行山帶水有學問》)。一般講法係每行10公里,就帶1公斤水。注意呢個只係參考,完全因人而異。同時亦要注意,帶幾多水要根據以下情況而定:
- 身體狀況: 諸如平常操練情況,體能表現等
- 天氣情況: 天文台酷熱指數,日照情況等
- 路徑情況: 山徑樹蔭多寡,會否穿越河流等
- 行進方式: 跑山與行山,完全是兩種不同計算方式
*** 切記: 預多好過預少,以及必須預留500毫升後備食水 ***
行山時飲水其實亦有學問。適當的飲水方法,可維持身體正常運作,以及避免意外。
行山時飲水方法
- 行山前一兩天,定時飲水,以免身體缺水 (若尿液帶啡黃即為缺水)
- 起步前,飲用約500毫升食水
- 行山時,就算唔口渴,仍須定時飲水。大概每15分鐘飲用150至200毫升清水
- 飲水可先將水含在口中,再緩緩吞下 (特別在飲凍飲時),以令水溫更適合腸胃
- 切勿一次過飲水過量 (如一次過飲超過500毫升清水)。飲水過度會令身體鹽份迅速沖淡,會引發抽筋
- 可適時飲用運動飲料,或在水中加入小許鹽
- 定時進食水果、乾糧、糖果,亦有助補充流失之礦物質。但注意部份食物需要配合飲水
- 天氣酷熱的話,不妨先將支裝清水雪成冰,然後用毛巾及報紙包裏。那在山頭也有冰凍飲料,為你降溫
- 時下流行戶外用濾水器,但計劃行程時,必須要肯定水源情況
![](https://i0.wp.com/fitz.hk/wp-content/uploads/2017/04/郁民教室-行山飲水基本知識-5.jpg?resize=484%2C680&ssl=1)
外國很流行的戶外用濾水器。但要注意水源充足,以及河流未經嚴重污染。
炎夏行山,其實對身體是一大考驗,屬高危活動。緊記最高安全原則,行山要做足準備,不要逞強,並且要結伴同遊!
----- 廣告 Ad -----