辛苦行來志在食,食好西的文章大家都好喜歡。上次試完八寶粥之後,今次就有試食叮叮滷肉飯。事緣一次毅行教室練習,我拿了一碗燒賣和一隻砵仔糕上車吃。之後毅行教室成員就和我事:「你食呢啲 唔夠能量架! 我地之前練習前都會去食飯。咁先至夠能量。」

我心想:「下? 食飯! 早上七時半食飯,我食唔落喎!」

教室:「食唔落都要食呀,之後你會頂唔順架。你信我啦,食完飯個感覺係唔同好多架。」

滷肉飯做早餐

小學時,媽媽都會在早上煮飯,我會先吃了一小碗飯才上學。不過中學之後,已沒有再食飯作早餐。由於毅行教室練習時間太早,餐廳都未有供應白飯,我唯有去便利店買了一盒叮叮飯盒。便利店的雪櫃內有炒飯、蒸飯,我就選了一個比較多汁的滷肉飯,多汁,比較容易嚥下。

OK便利店的叮叮滷肉飯,盛惠24元。

熱辣辣的滷肉飯比我預期之中好味道。我慢慢食,最終都能整碗完成。

加熱後的滷肉飯,賣相、味道都OK。

早上食飯對行山練習的好處

我在早上七時吃飽,練習在八時半開始,我有一小時去消化。當我開始起步時,的確沒有「頂胃」的感覺,也有可能是飯份量不算太多。

之前早餐食點心或麵包,行了十來公里就會感到肚餓,唯有飲可樂或食糖果去供應糖份,但就不能滿足飽肚感覺。有時太餓,會感到雙腳無力,下樓梯特別困難。不過今次早上吃了一碗飯「打底」,的確沒有肚餓的感覺,雙腳也沒有發軟。

還有一點,根據教室成員所講,因為白米都是日常主食,理應不會造成腸胃不適,那就可以免除了在比賽途中要找廁所的麻煩。

【行山食乜好】系列會不定期推出。下次練習前,我都會選食不同味道的飯盒,日後會再和大家分享更多試食心得。: )

要多謝的人,實在太多,如有遺留,請不要客氣告訴我,我會當面道謝。

原文載於 Wing Leung’s Outdoor Blog
Wing Leung’s Outdoor Blog Facebook 專頁
Wing Leung’s Outdoor Blog Instagram

Fitz 連結: https://fitz.hk/?p=96614


更多:
Fitz Facebook專頁
多謝各位關心。是的,我加入了2018年毅行教室。
[行山食糧] 行山食乜好? 試食八寶粥
[毅行教室教學] 如何分配一週練習時間
Fitz Hiking 行山

廣告