----- 廣告 Ad -----
荃灣葵涌街坊其實好幸福,佢哋嘅後山係城門水塘,可以得閒行下針山、草山、大帽山,荃灣仲有條元荃古道,基本上唔使坐車都可以行山行番夠本。
城門水塘位於新界九龍正中央,山徑四通八達,路線有難有易。想hea行當然可以圍水塘行一圈,而孖指徑呢一段,就喺麥理浩徑、衛奕信徑嘅側邊,唔太起眼,但勝在夠短,一個鐘搞得掂。
感謝荃灣街坊哈利娘提供。
----- 廣告 Ad -----
![](https://i0.wp.com/fitz.hk/wp-content/uploads/2020/10/城門水塘-孖指徑-2.jpg?resize=760%2C428&ssl=1)
孖指徑山頂 (圖片攝於2017年,圖片文字不代表網站立場)
城門水塘 孖指徑
路線詳情
- 起點 / 終點: 城門水塘燒烤場公廁
- 路線: 城門水塘燒烤場公廁 > 城門水塘主壩 > 衛奕信徑六段 (逆走) > 進入小路 > 孖指徑山頂 > 城門碉堡 > 燒烤場公廁
- 距離: 約3公里
- 需時: 51分鐘 (Google計算)
- 地理形勢: 初段平路,進入衛奕信徑後,要上少少暗斜。離開衛徑,上孖指徑兩個山頭,就係泥沙路,升幅亦大。
- 補給: 起點公廁有汽水機及漁護署免費酙水機
![](https://i0.wp.com/fitz.hk/wp-content/uploads/2020/10/城門水塘-孖指徑-11.jpg?resize=1220%2C676&ssl=1)
水塘主壩紀念碑
![](https://i0.wp.com/fitz.hk/wp-content/uploads/2020/10/城門水塘-孖指徑-13.jpg?resize=760%2C574&ssl=1)
衛奕信徑
----- 廣告 Ad -----
![](https://i0.wp.com/fitz.hk/wp-content/uploads/2020/10/城門水塘-孖指徑-14.jpg?resize=760%2C415&ssl=1)
途中可望到針山 (左邊) 及大帽山 (右邊)
留意: 見到呢條樓梯,就要進右邊小路 (下圖)
![](https://i0.wp.com/fitz.hk/wp-content/uploads/2020/10/城門水塘-孖指徑-16.jpg?resize=760%2C462&ssl=1)
由孖指徑落番麥理浩徑
![](https://i0.wp.com/fitz.hk/wp-content/uploads/2020/10/城門水塘-孖指徑-3.jpg?resize=760%2C428&ssl=1)
終點及起點
賣點
- 勝在夠短,一個鐘搞掂
- 如果連一個鐘都嫌耐,可由燒烤場逆走麥徑六段 (即公廁側邊嘅樓梯),一口氣上到孖指徑山頂
- 景觀: 可遠望城門水塘、荃灣梨木樹樓景,天氣好可以望到對面海
路況
- 石屎路面: 40%
- 官方規劃山徑: 40%
- 泥沙竹路 / 碎石路: 20%
- 注意: 離開衛奕信徑後,登上孖指徑一段山頭,並非規劃好的山徑,路程雖短,但頗為難行。
進出方法
- 荃灣搭小巴: 荃灣兆和街搭82號小巴,至菠蘿壩總站,步行20分鐘。
- 由梨木樹側之和宜合道,經水務署抽水站上城門水塘,距離約1.5公里,步行約15分鐘 (見下圖)
街坊行山團
全香港18個行政區,可以話「區區有山行」,人人屋企都有座「後山」,大家想享受大自然絕對可以唔使舟車勞頓。自己路線自己推,歡迎各區街坊提供自私行路線,資料越詳盡越好,不過因為安全問題,非正式山徑就未必能夠刊登。
大家簡單啲畀個 GPX 檔案,或暫Google Map 截圖都得,請 PM、DM 或電郵至 [email protected]。(同時歡迎街坊留言提供路線最新情況)