許林往事_001
報章介紹許林士多嘅第二日,嶂上出現空前盛況。(圖片來源:樂山行Facebook)

報章訪問嶂上許林士多二代文哥,第二日許林士多人山人海,生意興隆。作為許林頭號FANS,我山雞固然替文哥開心,亦襯許林人氣大盛之時,講講許林值得支持嘅一件事。

2010年毅行者,在雨中進行。當時我一隊人剛開始第三段,突然傾盆大雨,久久不停。山上幾千幾百人人人照頭淋。當大家跌跌撞撞行到嶂上,「令人興奮的畫面.jpg」出現了,許林唔知喺邊度搵幾個搞攤位遊戲嘅帳幕,一眾泥鴨嘅毅行者就全部匿喺入面等雨停。(最後雖然無停過)

對我哋行山友嚟講,許林士多唔只有好味嘅豆腐花,仲有一份對行山友嘅支持。

香港仲有唔少好似「許林士多」咁有心嘅郊外小店,請多多支持佢哋。

許林士多

更多:
三椏村入口唔易搵?
山雞其他文章
Fitz行山文章

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。