圖騰是本地的山賽盛事,快腳慢腳都想踏隻腳,大嬸素來貪戀虛名和熱鬧,當然期待參與。去年瞬間爆滿,被拒諸門外,今年不容有失。

今次大嬸竟然獲三個後生靚女邀請,組隊參加圖騰16K,把兩個遙遠的星河拉在一起,大嬸既喜且憂。

喜的是被芳華正茂的年青人看上,她們都在不同的賽事中得過獎項上過大台,是有力爭勝的參賽者,大嬸的實力被認同,而且與她們一起,大嬸會被錯覺是同年齡組別,諗起都感覺良好。

憂的是後生女的雌激素和骨膠原總比大嬸澎湃,大嬸若被拋離會累街坊兼樣衰,影響爭勝機會。知慢近乎勇,大嬸要為這場賽事做好準備,輸人不輸陣。


首先可以做的是報名參加大會舉辦的16公里靈猴族訓練班。當然,大嬸有大嬸的計算。訓練班報名費$230,有三堂,包括一堂講座、一堂體能、一堂山野訓練,平均唔洗80元一堂,仲有超多禮物送,包括:

  1. Convoy 藍牙便携擴音器連自拍快門 一套 (價值$198)
  2. Physiogel Cleanser 200ml 一支 (價值$165)
  3. Physiogel Day Cream 一支 (價值$180)
  4. 寶礦力水特電解質補充飲料
  5. Columbia 壓縮毛巾 一條

總值超過$600,雖然有些唔等洗野,但兩支 Physiogel 實牙實齒啱洗,性價比高,堅翻本,go!

訓練班由 Convoy runner 首席教練 Kevin Cheung 執教,Kevin 是熱血上腦的教練,每堂必甘必過時,體能班原本是9點落堂,但攪到10點都未完,在石硤尾水庫喪跑圈,又餓又倦,挑戰大嬸的極限。 當晚還有 Cable TV 拍攝街跑少年上堂的情況,他們的 marketing 素來不俗。大嬸有份上鏡,雖冇飯盒派,但可以混在一班街跑少年當中又唔太礙眼,大嬸對自己的外形又多了一份遐想!

山野訓練城門主霸走針草,Kevin sir 主力操上落山,在針山他叫我們做 hill repeat,連續來回上落山數次,男學員來回三次,女學員兩次。大嬸此時忽然熱血,主動要求走三次,Kevin sir 說:「好呀!」對大嬸有點另眼相看,大嬸就是喜歡見到這些嚇你一驚的反應,別小看我!

山竹過後大會要改賽道,原本繞水塘山道,現改為走城門林道到鉛礦坳,看地圖頭6,7K絕大部分是石屎路,路跑 mode,是大嬸最大的心理障礙,既欠體能,亦缺技術,不缺的是跑鞋和年紀!

在佛系與堅持之間,大嬸選擇堅持,因大嬸是玻璃自尊,又是好勝之徒 (但又冇實力),不接受跑到面容扭曲冇晒 form 咁回終點。唯有努力加操,私下再跟 Kevin sir 改善跑姿,希望克服這殺死人的石屎路段。此次山賽會否連累三位美少女繼而被她們 unfriend,抑或逆流出個堅大嬸? 十月六日星期六便知結果!

Fitz連結: https://fitz.hk/?p=104693


更多:
Fitz Facebook 專頁
[逆流大嬸] 尋回感覺 漫天煙花下的山賽
逆流大嬸UTMB的奇幻旅程
逆流大嬸@Fitz
Fitz Running 跑步

其他文章:

文章為作者意見,不代表Fitz立場。

歡迎投稿: https://fitz.hk/contribute/

廣告