魔鬼山山頂炮台

日前連登討論區有一帖文,係兩名絲打行經魔鬼山山頂炮台附近,遇上一名露體狂。好彩色魔無進一步行動,兩名絲打亦安全離開。

全裸身體要求影相

該名絲打發帖稱,佢同另一位朋友當日下晝兩點行到上魔鬼山山頂嘅廢堡,發現一名「鬼鼠」男子。男子一方面偷望兩名絲打,另一方面疑似拉低條褲並有可疑動作。之後,男子突然全裸現身,並請求絲打幫佢影相。

兩位絲打被嚇至花容失色,山頂又無其他人求救:「勁L驚佢再行近啲,再行埋黎我地要跳崖㗎啦」。好彩呢個時候,啱啱有行山客上到山頂,兩女大叫救命。

而露體男子即刻著返晒衫,消失於山頂之中。

白色圈係絲打站立位置,紅色係色魔  圖: 連登討論區

色魔熱路疑似慣犯

發帖絲打話,呢個色狼應該對魔鬼山一帶山徑相當熟悉,肯定唔係第一次上嚟。而佢嘅舉動,亦唔似初犯,應該係慣犯。

各位女山友男山友,呢一輪大家上到魔鬼山真係要小心。

資料: 連登討論區


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 連登絲打魔鬼山驚遇露體狂: 再行埋嚟我哋要跳崖!