連登絲打魔鬼山驚遇露體狂: 再行埋嚟我哋要跳崖!

日前連登討論區有一帖文，係兩名絲打行經魔鬼山山頂炮台附近，遇上一名露體狂。好彩色魔無進一步行動，兩名絲打亦安全離開。

全裸身體要求影相

該名絲打發帖稱，佢同另一位朋友當日下晝兩點行到上魔鬼山山頂嘅廢堡，發現一名「鬼鼠」男子。男子一方面偷望兩名絲打，另一方面疑似拉低條褲並有可疑動作。之後，男子突然全裸現身，並請求絲打幫佢影相。

兩位絲打被嚇至花容失色，山頂又無其他人求救:「勁L驚佢再行近啲，再行埋黎我地要跳崖㗎啦」。好彩呢個時候，啱啱有行山客上到山頂，兩女大叫救命。

而露體男子即刻著返晒衫，消失於山頂之中。

色魔熱路疑似慣犯

發帖絲打話，呢個色狼應該對魔鬼山一帶山徑相當熟悉，肯定唔係第一次上嚟。而佢嘅舉動，亦唔似初犯，應該係慣犯。

各位女山友男山友，呢一輪大家上到魔鬼山真係要小心。

資料: 連登討論區