近年捲起行山熱，不少人每個周末上山打卡之餘，都會帶備器材影靚相。除了拍攝風景照，縮時攝影(time-lapse) 亦是熱門之選。要數現今「行山 x 攝影」的特色組合，當然要提提 山道行者 – Country Rider — 他們是情侶檔組合，男的是 Eric (鄧家偉)，女的是 Virgina (葉嘉麗)，影相之餘又拍 time-lapse，作品更曾獲得不少獎項。
要介紹他們，就要由 Virgina 說起。
由屢試屢敗到獲得肯定
Virgina 中學時期已酷愛攝影，但她並非攝影大師的愛徒，一如眾多拍友一樣，都是靠自學。
「我自己上網、睇書學攝影，慢慢摸索。呢次影得唔好，吸收經驗之後，下一次就會影好啲。」
她就是憑著一套 trial & error 的做法，屢敗屢試，漸漸摸索到竅門。
「最初我只係喺公園影下啲花花草草，後來再想影啲唔同嘅嘢，就搵人帶我去行山!」
就在這個時候，她認識了高大的 Eric。
原本 Eric 只是個行山友，並不太懂攝影藝術，最多只會用手機記錄一下行山照。只自從結識了 Virgina 之後，才開始對攝影產生興趣。 Eric 首先向 Virgina 學習入門知識，再繼而到大家一起網上自學深研，並在實戰中磨練出攝影技術。
----- 廣告 Ad -----
他們二人就以「行山攝影二人組」的身份，奪取了不少攝影獎項：
- 2015 Adobe Photoshop CC / Lightroom CC 後製挑戰賽優秀獎
- 2016 環愉遊蹤攝影比賽
- 2016 建造香港攝影比賽
- 2015-2016 DCFever 十大傑出達人
- 2016 先進動態影像技術獎
- 2017 香港總商會攝影比賽金獎
山道行者部份作品：
此外，他們最近為漁護署拍短片推廣郊野公園：
愛上了縮時攝影 (Time-lapse)
兩位同樣喜愛攝影，喜愛郊野的情侶，走入山徑，原來都有分工。大家也主力拍攝風景照片, 不過Virgina 也會自拍及記錄行程。
不過，近年Eric更會花心機去進行縮時攝影 (Time-lapse)。
「我鍾意玩 time-lapse，係因為每一條 time-lapse短片，比影相更要花精力,，亦都更有挑戰性。平時影相通常就集中創造1-2幅作品，但time-lapse閒閒地都要處理幾百張相片. . ..前期準備同後期處理都非常多工夫。平時影風景相都要配合時間、天氣、光線等變化，time-lapse要既要求一樣，但拍攝同後期處理時間要花多幾倍功夫。雖然難度較高，不過成功感亦比較大。」
----- 廣告 Ad -----
他們眾多 time-lapse 作品之中，以這一條雲海日出最為深刻。當時剛接觸 time-lapse，技術未成熟，但這一天的景色十分難忘：
Virgina 補充說：「影 time-lapse 其中一個最好嘅地方，就喺拍攝期間，我哋可以坐定定欣賞風景，傾下計，感受一下郊外嘅氣息。」
要裝備，還是要輕便?
「山道行者」，他們當然經常要上山下海，，所以在選擇攝影器材方面，更加要認真考慮，以兼顧作品質素以及裝備的輕巧。
Virgina 喜愛將 action cam 插在背囊前端，以便拍攝行山過程，亦同時可以自拍。
至於 Eric，因為他要拍攝 time-lapse，對器材就更加執著：
「而家我通常都帶部無反上山，貪佢夠輕巧質素又好。不過，如果打算輕輕鬆鬆咁拍 time-lapse，咁可以用 action cam。因為如果帶單/無反，作品當然會靚啲，但因為要配合腳架，裝備多好多。反而用 action cam 就唔會有負重嘅煩惱，因為 action cam 配合穩定器，帶上山都唔覺得麻煩。」
「而且當 action cam 配合穩定器除左唔怕手震，好易拍攝到睇得舒服嘅行山影片之外，最近有穩定器內置咗自動旋轉功能，配合 action cam 內置嘅 time-lapse，加埋一齊就可拍攝到，以前要好多重型器材配合嘅移動縮時 (motion time-lapse)，佢哋比起鏡頭固定的 time-lapse 影片更有動感亦更多變化。」
