圖: 漁護署

喺香港郊外或市區,遇到蛇一啲都唔出奇。因為香港屬於亞熱帶地區,蛇嘅品種一啲都唔少,冬天過後發現蛇,絕對唔係奇事。根據漁護署統計,香港陸地上嘅毒蛇有12至16種,其中毒性最強嘅包括金腳帶、銀腳帶,以及飯鏟頭等。

行山遇到蛇要點樣做?

根據嘉道理農場嘅統計,每年5月至10月都常見到蛇踪。大多數蛇類其實懼怕人類,佢哋都係為咗兩餐先會現身,所以遇到蛇嘅首要態度,就係保持冷靜,唔使驚亦唔好騷擾佢。

預防被蛇咬5步曲

  1. 避免走入草叢密集的地方
  2. 避免將手或腳伸入罅隙或洞內
  3. 留意樹枝,因為蛇識得爬上樹木
  4. 戶外活動穿著長褲,以及唔好著涼鞋或拖鞋
  5. 避免用行山杖或樹枝去探索草叢及懷疑有蛇出沒嘅地方
圖: 嘉道理農場

延伸閱讀: 嘉道理農場《動物故事: 遇到野生蛇應怎麼辦?

郊外遇到蛇的3個步驟

1. 保持距離

喺絕大多數情況下,蛇如果感受唔到威脅,係唔會主動攻擊人類。喺山徑見到蛇,先慢慢後退,同蛇保持2至3米左右嘅距離。此外,蛇鍾意遮蔽地方,所以盡量唔好後退去草叢樹林,留返條生路畀佢哋。

2. 眼看手勿動

蛇係有趣嘅動物,可以遠觀,但任何野生都動物其實都唔應該觸碰,萬一嚇親佢哋,或會令佢哋有異常反應。仲有就係,唔好立亂判辨蛇係有毒無毒,萬一判辨錯誤,隨時有性命之憂。

3. 不要傷害

正所謂蛇有蛇路,只要大家保持冷靜,同蛇保持一定距離,其實蛇唔會傷害人類,所以我哋絕無需要去傷害,甚至殺害蛇。如見到蛇有可能威脅其他人,可致電999報警。

蛇會懂得爬樹

鬧市遇蛇的3個步驟

如果喺鬧市發現蛇踪,香港蛇類關注組 提議大家採取以下3個方法:

  1. 保持鎮定,停止身體移動
  2. 與蛇保持3米距離,從遠處觀察
  3. 慢慢離開

延伸閱讀:《善待動物] 鬧市有蛇不足為奇 保持距離不要傷害

認識蛇類

我哋對一個物種認識多啲,其實可以破除誤解。

漁護署轄下嘅 B仔自然教室 Mr. B Nature Classroom ,早前製作了兩輯香港常見蛇類圖鑑,介紹幾種香港常見嘅蛇。

【B仔圖鑑·毒蛇篇】

之前B仔講解過咩係「秋風起,三蛇肥」,亦有朋友提問:如果遇到蛇應該要點做?

遇到蛇只要同佢哋保持一定距離就唔需要太擔心,亦唔係每種蛇都有毒。其實蛇一般係唔會主動攻擊人,除非刺激佢或者入侵佢哋地盤,否則蛇蛇仲驚過你呀…

Posted by B仔自然教室 Mr. B Nature Classroom on Friday, October 16, 2020

【B仔圖鑑·無毒蛇篇】

B仔之前畫嘅毒蛇圖鑑好似都幾有迴響,見到唔少朋友仔都分享自己嘅遇蛇經驗,從留言睇嚟大家對蛇都又愛又恨~

隨住天氣慢慢轉涼,好快就踏入冬季,好多蛇都準備冬眠。所以B仔就把握機會畫咗幾條香港嘅無毒蛇,同樣可愛,現編成…

Posted by B仔自然教室 Mr. B Nature Classroom on Friday, November 13, 2020

首頁 > 運動 Sports > 行山 Hiking > 郊野及鬧市遇到蛇 應該點做?