(圖: 陳東尼@野性的呼喚---上高山, 樂遊穫)
(圖: 陳東尼@野性的呼喚—上高山, 樂遊穫 (郊遊與攝影))

收到山友陳東尼報料,話大浪西灣過鹹田灣嘅行人橋,喺5月時冧山泥搞到斷開,而家進行緊重建工程,山友要過經大浪西灣過鹹田灣,除咗要濕身渡河之外無其他方法!

但早排因為經常落雨,令河水瀑漲,陳東尼話佢過河嘅情況係:

「倒石屎做永久性橋墩橋面,完全不能通行。鹹田灣~西灣這一地點要由海灘涉水而過,地盤監督話海水到膝,我過時近腰(大脾以上),背囊托頭頂幸好手機沒有濕水。有人怕涉水行返轉頭。」

(圖: 陳東尼@野性的呼喚---上高山, 樂遊穫)
(圖: 陳東尼@野性的呼喚—上高山, 樂遊穫)

東尼兄仲向我哋留意提醒大家:

「最好背囊內帶個小型防水袋,涉水時片將電子用具放入,心理上比較放心。過沙灘即使水漲都不會超過大脾。」

山友有愛!多謝陳東尼兄多享見聞及相片!

其實,漁護署已經發出通告,話:「橫過夾萬坑 (按:即係西灣去鹹田嗰條河) 的人行橋正進行維修工程,本署不建議村民及市民使用。」

(按圖放大)
(按圖放大)

不過,佢叫人唔好用條橋,但又無其他過河設施,即係大家逼住要濕腳,甚至濕身。

另外,關於早前封閉嘅西灣路,雖然已經開放,不過漁護署就叫喺黃雨、紅雨、黑雨,同掛風球就唔好行喎。

夏天冧山泥,而家秋天都仲未搞好,希望唔好影響樂施毅行者進行啦。

更多:
Fitz.hk Facebook 專頁
[冧泥3個月] 大浪西灣爛泥滿佈
其實邊個係肥佬麥?
[谷埔封村7日] 點解呢到咁值得保育?
[學好廣東話] 北潭凹 鉛礦坳 咁都有得拗?
Fitz Hiking 行山

Fitz 編輯部
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。