台灣玉山盤點登山失物 一件物件最令人驚奇

台灣玉山國家公園遊客中心最近發帖，展示「塔塔加遊客中心」呢年來喺山上發現嘅失物。2020年至2021年1月，佢哋一共接收49項失物，大部份係行山杖、手套等裝備，亦有暖水壼、雨傘等隨身物品，估計係遊客大懵唔記得拎落山。

其中最受注目嘅失物，就係兩對完好無缺嘅登山鞋。有網民問:「佢哋連鞋都唔要，唔通係赤腳上山?」公園負責人解釋話，好多時遊客爬完山之後，會換返對輕便鞋落山，會唔記拎返對登山鞋走。

一年有幾十件失物，佔用空間都唔少，遊客中心仲可以keep足一年，服務確實唔錯。