咪以為山系 KOL 都係外貌先行，以少布去呃 like，台灣就有位83歲婆婆被媒體熱捧，唔少人對佢嘅體能同技術都非常拜服，最近仲就有條8分幾鐘短片喺網上廣傳。
「阿嬤」爬嘅地方，叫劍龍稜，位於新北市，由九份、金瓜石一帶海拔200-700米貫穿而成嘅郊遊路線。不過話就話係郊遊線，其實呢處山勢險要，少啲體能同技術都搞唔掂。「阿嬤」喺短片入面，面對筆直嘅岩壁、滿佈碎石嘅山路，仍然面不改容，從容上山。
就因為呢條短片，有台灣媒體暗示「阿嬤」隨時會連累救援人員，話佢無量力而為。
事實上，「阿嬤」係台灣 大笨軍團 嘅 KOL，為行山團拍咗唔少短片，介紹唔同山徑及講解行山安全問題。根據左膠邏輯，話佢累街坊嘅人，又算唔算係年齡岐視呢?
講求綠色、環保、天然的健康生活。推廣新一代健康生活文化。
