夏天炎熱天氣下行山跑步，除咗容易中暑之外，原來亦容易引發心臟病。2020年6月11日，氣溫高達33度，西貢白腊及浪茄分別有兩名行山人士，因為天氣酷熱昏迷，其中一名最後因心臟病發瘁死。
酷熱天氣令心臟超負荷
2013年學術期刊《流行病學》(Epidemiology) 發表 研究報告，發現氣溫嚴寒或酷熱之下，引發心臟病發風險相應增加。有關人員，研究美國瑪薩諸塞州11個醫院急症室，於1995至2003年約5000名心臟病患者嘅數據，發現相關地區溫度突然升高或降低時，會多咗人突發心臟病。
從病理學角度睇，嚴寒或酷熱天氣引發心臟病，絕對有跡可尋:
1. 血管擴張血流量激增
遇上炎熱或嚴寒天氣，身體各部份血管擴張，令血液流量增加，以調節身體溫度，心跳亦隨之加快。若天氣太熱，身體散熱不良，有機會令留喺心臟嘅血液過少，引發心肌梗塞等問題。
2. 缺水為害心臟
酷熱天氣令身體排汗，而排汗令身體流失水份。如果補水不足，身體會出現缺水，血液變得濃稠形成血塊，可阻塞心臟血管。
3. 大腦指揮調節溫度
當身體受到極端炎熱或寒冷衝擊時，大腦會指揮各個器官以調節溫度為先。若然氣溫過份極端，機制會出現問題，影響心臟運作。
酷熱天氣下點降溫?
遇上酷熱天氣，就要想辦法降溫，以減輕身體負荷。以下5個方法不妨試試:
- 留在陰涼地方，避免陽光直接照曬
- 定時飲水，以免身體缺水，唔好等口渴先飲
- 酷熱下宜少食多餐，亦避免進食熱量太高嘅食物，宜飲用果汁、運動飲料
- 避免正午進行戶外活動
- 穿著合適衣物，以排汗透氣為佳
講求綠色、環保、天然的健康生活。推廣新一代健康生活文化。
