玉山國家公園
2019年7月，大陸官方宣告暫停國民赴台自由行申請，唔少香港人即時訂機票，趁暑假未完過去飲下珠奶。至於台灣方面，以大陸遊客為對象嘅旅遊業當然愁眉苦面。當中喺阿里山開旅館嘅老闆就話，內地旅客佔佢哋嘅生意額成六、七成!
飽受內地自由行旅客困擾嘅香港人，聽到台灣一下子少咗60%、70%旅客，當然趁人少咗玩番夠。
留意網站下方，有多個政府部門的申請入口
----- 廣告 Ad -----
一站式登山申請
不過要去台灣登山，台灣要保護林區及山區，登山活動受到嚴格監管。要進入山區、保護或林區，旅遊都要預先申請相關許可證 (統稱登山申請)。不過呢啲申請涉及多個部門，台灣民眾固然感到麻煩，海外旅客更加無從入手。
最近，台灣當局整合多個部門嘅登山申請，製作一個單一入口嘅「台灣登山申請整合服務網」，將林務局、警政署、營建署等相關單位登山申請等資訊，正式上線。
呢個登山綜合網站，除咗有齊幾個登山申請嘅人口外，亦提供登山路線查詢、申請查詢，以及申請表下載，仲有中英文網頁，方便海外人士申請。
不過記住，申請熱門登山路線或山上住宿，要留意限額情況，同埋申請需時，計劃行程前必定要留意。
林務局山徑的海外申請書，要填寫的資料相當簡單
Fitz連結: https://fitz.hk/?p=123811
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。