來自意大利城市 Trieste 嘅 Michele Benedet，2月中去到意大利東北邊境嘅 Julian Alps 爬山。Michele 上到海拔2,300米後，一個唔小心滑咗落河，腳骨斷裂無法行走，兼且手機全無訊號。呢個時候，佢只能靠身上嘅食物及河水維持生命。
原本 Michele 諗住只行4日，喺終點等待嘅女友見佢遲遲未出現，就決定 call 救援人員上山搜救。好彩喺7日之後，救援直升機留意到 Michele 身上嘅反光物，及時營救當時已奄奄一息嘅佢。
Michele 話佢生死存亡嘅關鍵，係7日以來對佢不離不棄嘅愛犬 Ash。Ash 見主人受傷，一直陪伴喺身邊，到救援人員出現送佢上直升機，Ash 都無離開過。而家 Michele 喺醫院休養，Ash 就返咗屋企，等同主人團圓。
資料: Il Piccolo、Soccorso Alpino e Speleologico Friuli Venezia Giulia – CNSAS
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
