早幾日有人見到 Domino’s 薄餅嘅外賣員，著晒制服、孭住 pizza 袋出現喺富士山。有人以為日本盛行cosplay，話唔定係登山裝扮。不過一查之下，原來係貨真價實嘅 Domino’s 外賣仔。
呢位網名叫 うまなみ 登山愛好者，喺日本登山網站 YAMAP 發帖記錄呢次外賣經歷。根據佢嘅記載，佢朝早7點半由富士山指導中心出發，用3個半鐘頭上到3772米嘅劍峰，再沿路折返，全程用咗5小時49分鐘，距離8公里，升降為1399米，絕對稱得上係快腳。外賣仔行得快之餘，亦無額外收費，一個 pizza 送埋上山頂，只係3776日圓 (約港幣215)。
呢名外賣仔，除咗送 pizza 之外，最近仲做埋 UberEat，將份餐送咗去有成2000米高嘅大菩薩嶺。
其實唔理係博出位定真係為個人興趣，呢位超強外賣仔可以幫到山友，都係功能無量。
資料: YAMAP
蝦里
去去，武器走！