[蛇吞野豬] 不要干預野生動物覓食

呢兩日網上流傳短片 (按: 拍攝日期、拍攝者不詳，有說是2019年發生)，影片中大蠎蛇一口咬住小野豬，並且正在吞食。片段喺網上引起廣泛爭議，大致而言可分為三方面:

• A 幫條蛇: 蠎蛇食小動物係本能反應，佢唔食野豬就會餓死
• B 幫野豬: 小野豬咁可愛，唔應該死!
• C 兩邊都幫: 唔應該發生啲咁殘忍嘅事，主張要分開兩邊，要佢哋和平共處 (?!)

正確答案，係D! 兩邊都唔好幫!

早前，有人喺郊外見到有大蛇去捕捉貓頭鷹，並出手救出幼鳥。《香港動物報》訪問香港蛇類關注組，召集人 Ivan 指:

1. 蛇覓食是正常自然行為，人類唔應該干預自然生態
2. 蛇同其他動物一樣，都是自然生態下的動物，蛇覓食並無唔啱
3. 根據《野生動物保護條例》列明任何人不得捕捉及干預野生動物。

上面呢個情況，蠎蛇 (緬甸蟒蛇) 同野豬同屬野生動物，受法例保障，所以如果出手干預佢哋嘅生活，均屬違法，一經定罪，最高可被判罰款十萬元及入獄一年。

資料: 香港動物報、漁護署