馬來西亞登山家 Ravichandran Tharumalingam，日前第三度登上珠穆朗瑪峰，雖然並無打破紀錄，但成就仍然受人敬重。
今年57歲嘅 Ravi，2006年已成功登頂；2007年佢再度挑戰，不過為咗登頂失去理智，連手套磨損都唔為意，結果寒氣吹入手掌，雙手變得毫無感覺。成功登頂後，Ravi 喺大本營發現手指已被凍傷，需要截去8隻手指頭。
15年後，Ravi 為鼓勵更多人挑戰高峰，以嚮導身份帶領兩位年輕人挑戰，而佢亦第三度登頂。佢話，呢次登峰雖然相隔15年，仲係返去令佢受傷嘅地方，不過佢話精神比起以前更集中，登頂感覺比之前兩次仲好。
Ravi 仲話，喺自己跌低過嘅地方重新站起，為佢帶來更寬闊嘅視野，擁有更強大嘅信心。
在 Instagram 查看這則貼文
資料: CNA
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
