9月5日， 網上及Whatspp瘋傳一段短8秒短片，睇到人人標晒冷汗。短片拍攝時間不詳，地點係一個海蝕洞，見行山隊正穿越其中。突然之間，一名女隊員跣腳跌落洞底海水，相當危險。
我們未能肯定行山隊有無接受過訓練，但就肯定隊員並無任何安全措施，連最基本嘅頭盔、安全繩都無，所以當有人失足，其他人就欲救無從。
好彩有人喺行山群組留言，話:「啱啱睇完《東X西X》話冇撼親頭」，希望佢大步攬過。
綑邊要做足準備
近年「行山綑邊」越來越普遍，去年4月有人於萬宜東壩綑邊遇難，有專家亦提醒公眾「不要輕言綑邊」。喺綑邊之前，先做足準備:
----- 廣告 Ad -----
- 安全、穩妥之攀石、浮潛，以及行山裝備
- 接受嚴格訓練
- 出行前規劃行程
- 留意天氣情況
綑邊需要基本的攀岩裝備，但最重要就是要對攀岩有認識。
參考: 《[行山安全] 萬宜水庫東壩奪命意外 不要隨便綑邊》
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。