香港自然生態論壇 HKWildlife.net Facebook群組,日前公開一段短片,指有人於大浪西灣燒螞蟻。

片段裏面嘅螞蟻四處避走,有啲被燒死,情況慘不忍睹。不過,短片裏面一把操英文嘅女聲,IG story 仲加埋 caption:「BBQ of ants. But who like them?」、「And I want to sit on this.」,表現相當興奮。

點著樹幹
火燒螞蟻
有螞蟻被燒死

事後,有人聲稱係片主向發帖人士作出警告,要求刪片,更出惡言:「silly sensitive HK bi*ch」,最後仲話會作出法律行動喎。不過發帖朋友話唔會退縮,因為佢相信:「無論一花一草一木,雖然唔識表達,但所有生命都係平等,都有感覺。」

短片連結

事主觸犯三條法例

The hiking Database 山野‧新聞庫發文,話:「螞蟻是大自然的一部份,影片中的黑蟻沒有什麼殺傷力,只要不動它們的生活地方,根本不會對郊野使用者有任何影響,以 Leave No Trace 角度,盡可能不驚動任何原生物種,這是對大自然的尊重。」

大浪西灣

事實上,單看短片,片主至少犯咗三條香港法例:

  1. 事主並非指定營地露營,觸犯了郊野公園條例
  2. 在燒烤場以外地方生火,亦屬違法
  3. 涉嫌殘害對待動物 (條例包含無脊髓動物)

而家有人叫人刪片又話要報警,咁唔知佢會唔會自首先呢?


文章為作者意見,不代表Fitz立場。
歡迎投稿: http://fitz.hk/contribute/
朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。