「車中泊」熱潮由日本興起，疫情下呢股風氣吹到台灣及香港。有日本汽車生產商就睇準時機，繼早推出 SERENA 嘅車中泊版本，呢次仲推出專為車中泊而設計嘅客貨van。
日產車中泊客貨van NV350 Caravan Multibed
呢款由日產 (Nissan) 出品嘅客貨van NV350 Caravan Multibed 特別版，暫時只限日本出售，售價340萬日元起 (約港幣24萬)。呢部van仔同而家喺香港街道行走嘅 NV350 大同小異，不過內籠就由 Nissan 旗下嘅 Autech 設計，將原本嘅客貨車內籠改裝成露營休息區，有睡床有枱椅，以及大量儲物空間。無論係車中泊，以至野餐都十分適合。
此外，亦可將汽車內籠改為流動辦公室，切合車主不同需求。
呢款van仔有汽油同柴油版本可供選擇，仲可選擇四驅型呢，方便駛馭山路以至雪地。
香港代理商又唔知幾時會引入呢款車呢?
資料: Nissan
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。