露營基本用品,cookset (或稱 cookware) 必佔頭三甲,所以大家都必定有一套甚至幾套 cookset,但有冇試過買完之後後悔或覺得唔啱用? 今次分享下老hike會點選擇。

1. 使用人數

首先必定係諗,黎緊買依套 cookset,係團隊時做大廚用,定係一個人縱走用? 因為使用人數係反映體積同重量,唔係越大越好。

團體用的 GSI base camper

2. 重量 (用具質料)

當然你係 glamping (glamorous camping 豪華露營) or car camp 開,重量未必有影響。但一般而言,重量係 camper 最大敵人,否則我會拎生鐵鑊就算。而重量最主要係「物質」反映的,常見有:

鋁重量輕、導熱性能良好,仲唔易生鏽,雖然有研究話「長期」食鋁會影響健康,但相信一年不過50-70次露營,點睇都唔算長期,所以都成為主流。

不鏽鋼

不鏽鋼有分好多,如:18/8 (304)、18/10 (316)、18/0 (439),有興趣先 Google 下

不鏽鋼好處係,好易打理,受熱均衡 (但比鋁傳熱度低18倍….),唔太適合户外用。

不鏽鋼

  • 鈦本身傳熱系數仲低過鋁,不過因為硬度高一倍,所以通常都做得好薄身,導致傳熱極快……
  • 輕、硬淨、傳熱快係鈦嘅特色,但太快嘅關係,用黎做廚具經常會 overcook or 痴底
  • 留返黎煲水好了

生鐵

  • 生鐵鑊係9成屋企都應該有隻,重! 真係好重,但作為廚具,極好用!
  • 傳熱均勻、唔易痴底、打理簡單,除咗重之外,無乜缺點可言,炒乜都做到

矽膠

  • silicone 高溫處理後成品,不過要加入 platinum (白金) 先適合煮食。夠輕,又快傳熱,仲可以摺埋。不過清洗唔方便,同時太大火會導致溶,煲水好用。

3. 收納後體積

一套好嘅 cookset,一定要係「俄羅斯娃娃」咁,可以 cup 入去,最好入面仲有空間放餐具、刀、爐頭、甚至係高山氣等。咁就可以令袋的空間更多,同時又整齊。

最緊要留意收納後的柄,係向上、向下、還是可拆式,因為會影響你日後換 pan、換煲等可否 cup 落去做 replace。

4. non-stick

中文不粘,利用 PTFE 令到食物掂唔到鑊發生痴貼,non-stick 嘅好處係用少好多油,同時清洗好方便,不過一定唔可以刮花,因為一花咗,層 coating 好快玩完。

另健康問題,有指350 °C 以上會釋放上有毒煙霧,同花咗之後食用會有致癌物質 (未證實)

5. 風擋

有部分 cookset 有自家家擋如 trangia,都有助 Cookset。

最後,好多 detail 位要留意,如煲蓋有無氣窿、蓋可否 multi use Pan and 煲、有無去水窿、cookset design 有冇助燃等。

Snowpeak Ti-Single 600 Wall Cup
Trangia 25

喺唔同情況,會用唔同 cookset,本老hike縱走只用 SP 600 single wall (Snowpeak Ti-Single 600 Wall Cup),但團體就用 GSI base camper,家庭樂就用 Trangia 25。用邊套,睇情況啦。

老hike都去camp Facebook專頁
老hike都去camp 網站


文章為作者意見,不代表Fitz立場。

歡迎投稿: http://fitz.hk/contribute/

老hike都去camp
80後老hike一名 對行山、露營有少許認識 Msr fans,極憎nh(世界第一) 為人暴躁,仇口多,方向感差,對攝影、電子科技係屬垃圾級別