營釘 (tent peg),係 camping 入面必須要準備,因為 camper 需要用營釘起 fly、起 non-freestand營、起水塔等等。

所以就分享下有關營釘方面問題,營釘主要分兩 part: 質料、款式。

質料

大致上有: 鐵、鈦、鋼、鋁、膠

平、重、硬淨。通常買嘢會跟到,去一轉灣仔應該執到過百支,應該無人會專登買掛…

貴、輕、硬淨。鈦應該大家都好熟,除咗貴之外,都無乜可挑剔嘅地方

貴、重、硬淨。鋼其實係鐵+碳嘅合成金屬,所以有鐵嘅特色,同時因為有碳而輕咗,但又加強咗硬度,但因為價錢貴,所以市場上唔太普及。

有平有貴,有輕有重,有軟有硬。鋁,通常都係合金,要睇混合啲咩先講到價錢,硬度,重量。

平嘅10蚊六支都有,貴嘅40蚊一枝都有。軟嘅,淘仔野,硬嘅,dac/msr 都係鋁。不過普遍都比較輕,所以都常見。

平、輕、軟,通常沙釘先用

因為沙釘需要長同粗以增加同沙地上嘅磨擦力,所以就會以膠製減輕返個重量。相反大家都應該對膠製釘都應該估計到硬度如何

形狀

形狀多到本老hike 都可能用唔哂、未見過……

有: 問號、7字、Y形、X形、V形、U形、鍛釘、棺材釘、螺旋形……等

問號釘、7字釘

大家應該唔會陌生,最好就係可以打哂落地,唔怕凸頭踢到

Y、X、V形

Delta Ground Anchor

形狀插入地下接觸面更多,所以無咁容易甩。但因為個頭會凸出黎,加上個頭有啲利,曾經試過行過,成對鞋都爛咗。

U形

通常用作沙地、雪地用。無V、X、Y型咁尖,同時增加接觸面,所以常用於會成日郁到嘅地形。

鍛釘、棺材釘

一支直身釘,如果釘身夠硬淨,乜地都入到,包括石。同樣個頭會凸出,不過通常圓頭關係,無咁傷的。

螺旋釘

老實講,本老 hike 未用過,甚至未見過實物,所以都唔知實際如何,但可以想像到,個穩定性有幾高。

應變措施

如果無帶釘、帶錯釘、唔夠釘點算?

如果喺燒烤場,可以搵啲叉,甩咗個頭用。
如果無叉用,可以用樹枝代替。
樹枝都無,就搵膠袋入沙做沙包。
再無就搵石頭!
沙地無沙釘,可以將支釘橫放再埋咗佢,都頂得下。

鎚唔鎚?

打釘我唔建議我用鎚仔,一黎傷釘,二黎重咗,除非係石地或灣仔等地形

用石頭都未必係好方法,本老hike用木多,無咁傷之餘,又唔駛拎鎚。

不要夾硬

記住,打釘係45度打入去,釘尖向內,頂向外先有效。中石唔好夾硬黎,記住自己拎咗幾多支釘去,走時拎返幾多支走,leave no trace。

老hike都去camp Facebook專頁
老hike都去camp 網站


文章為作者意見,不代表Fitz立場。

歡迎投稿: http://fitz.hk/contribute/

老hike都去camp
80後老hike一名 對行山、露營有少許認識 Msr fans,極憎nh(世界第一) 為人暴躁,仇口多,方向感差,對攝影、電子科技係屬垃圾級別