Tent,從來都係消耗品,當你去得越多,爛嘅機會率就越高,如果去極地,爛嘅機會更高。大牌子帳篷喺 Warranty 內都話可以搵代理換新。但郁啲就要攪2 Weeks以上,所以如果唔大件事,本老hike都係 DIY 修補算。今次講下會點樣自己修補。

營骨

最常見係爆骨,唔一定大風先會爆,金屬疲勞、入得唔夠深,都有機會的。市面上有 for 營骨用緊 repair kit 可以頂住先,不過都係建議搵返原廠配新或換咗爆骨的一節。

蚊紗

好多時都係勾爛,亦都有好多唔同牌子嘅 bug mesh repair kit 賣,如果破口太大,可以考慮去街市搵姐姐重新車上。

內帳

俾蟲咬穿或拖爛居多,如果窿唔大,可以用 silicone 點上,如果太大,可以剪一塊營嘅收納袋再貼上後 seam seal。

外帳

好多成因,俾石頭爛又有機會,俾樹枝插穿又試過,俾火辣穿又有可能。咩成因都好,要補上可以買nylon repair tape,甚至 Gore-Tex repair tape,裁剪成自己需要咩 size、圖案,貼上後再 seam seal 就可以了。

戶外野,損壞就梗,最緊要修補完唔影響使用,環保最重要,唔好郁啲就當垃圾。

老hike都去camp Facebook專頁
老hike都去camp 網站


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 露營 Camping > [老hike都去camp] 露營經驗分享:修補帳篷