露營界中,裝備升級係恆常活動。當升級到一定水平時,自然會入手海外裝備,但香港有代理嘅品牌選擇唔多,價錢亦偏貴,所以資深營友都會自己去官網或外國網如: rxx、campxxxxx、amxxxxx 之類地方訂購。就算計返運費都比香港買平,仲要有更多選擇。但忽略咗一個重要問題 – 水貨。

水貨係指唔經代理嘅貨源。亦因唔同嘅理由,一般水貨比行貨平20-30%,但始終無經代理商檢查嘅關係,所以都會有「次貨」、「假貨」等風險。而最重要係… Warranty Policy (保養條款)

户外裝備,損耗係一定會出現,大多數有名氣嘅户外品牌,都會提供2-5年甚至終生保養,只要唔係人為破壞及合符條件,都可以「經代理商或分銷商」免費維修或換新。

如果係水貨,就要自己直接同該品牌的維修部交涉。好嘅品牌只需要你自己寄返去維修中心就得,回郵運費唔需要負責。無咁好嘅品牌就需要顧客負責埋 shipment fee。

但如果係行貨,代理就需要為 warranty 負責,一般只需要去返分銷商,再提供返收據証明係該店出售就會可以安排回收。

雖然,香港多個代理嘅「維修」時間實在太長,快則兩星期,慢則半年都試過,但始終都叫有提供服務。如果水貨,就要自己用 ems 等方式寄返去海外,仲要俾埋 shipment fee 的話,隨時仲貴過買件新,所以可以根據貨物嘅價值、維修費用、維修中心地址、可能性損毀等而選擇行貨定水貨,無必要為咗果20至30% 導致有問題時無人幫到手做保養嘛。

常見的營具需要保養既地方

Tent (營)

常見係俾風吹彎/斷骨,一般品牌都有喺依方面嘅保養的,不過都要留意返有無時限。

Mat inflation 充氣墊

常見係 valve 問題,會瞓瞓下自己 leak (漏氣),不過大多數品牌都有為止提供免費保養,部分品牌仲要係 lifetime warranty (終身保養)

Mosquito repeller 蚊機

常見係打火器問題,雖然一部唔貴,但其實佢哋都有提供保養的

Stove 爐頭

問題就多了,塞咀、漏氣、漏油、斷喉等等等等,要視乎品牌先知有冇保養,詳情都係去返該品牌查詢。

Backpack 背囊

大多保養範圍都係關於袋配件,例如拉鍊、扣、哨子等,不過背囊正常使用又好少會爛嘅,所以都比較少用得到。

最後都係果句,裝備係死人係生嘅,唔好太依賴裝備,否則出到去先發現裝備失靈就大獲。

原文載於老HIKE都去CAMP blog


文章為作者意見,不代表Fitz立場。
歡迎投稿: http://fitz.hk/contribute/

⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 行山 Hiking > 露營 Camping > 購買水貨露營裝備: 注意保養條款 Warranty Policy