露營第一件事，就係揀一個良好嘅紥營位置。呢個位置，係你呢十幾廿個鐘瞓覺、休息、玩樂、食飯嘅地方，而且紥好營又要搬嘅話，將會係一大工程。
所以，去到營地之後，點揀個合適位置駐紥就相當重要。
6點揀個好位置
- 地區: 最好是政府指定營地，能遠離民居及馬路，避免騷擾村民及受車輛影響
- 面積: 要有足夠活動空間及符合活動所需
- 地勢: 較高及平坦，有些微傾斜度，方便排水
- 土質: 鬆軟及疏水、乾爽短草地或沙地最好
- 樹木: 避免在叢林中露營，最好有足夠擋風設施及避免長時間受太陽直接照射，空氣要流通
- 水源: 接近自來水或可飲用溪水，但不可太接近，以免受水浸或蚊蟲影響
----- 廣告 Ad -----
不適合露營的場所
- 不要在懸崖峭壁下紥營，恐有山石滾下的危險
- 不要在山脊或山頂上紥營，恐遇強風或電擊的可能
- 不要在孤樹下或電搭附近紥營，恐有被電擊的可能
- 不要在碎石或砂礫地上紥營，因不易藝搭帳篷及不舒適
- 不要在河邊或沙洲上紥營，因河水暴漲時有危險
- 不要在低窪或樹林中紥營，因日照不良，滋生蚊蟲
- 不要在馬路邊或接近民居處紥營，易受騷擾或影響別人
最理想還是選擇政府營地 圖: WL
揀營地要合乎禮儀
有時遇到營地爆滿，未必可以揀到一個啱心水嘅營位。不過，盡量亦唔好插針咁插，呢個時候就好應該考慮其他露營人士:
- 不宜與其他營太貼近: 營幕只係一塊薄薄嘅布，紥營太近，會直接騷擾到大家
- 唔好阻人門口: 紥營唔好揀喺人哋營幕嘅門口，既阻人出入，亦阻檔別人景觀
- 紥營前當然要清理地面嘅石頭或垃圾，不過呢啲嘢唔好亂丟，石頭放入樹叢，垃圾收埋佢落山先丟
資料: 山藝讀本
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。