報紙雖然漸漸被大眾遺忘，但喺80、90年代露營時，基乎人人身上都有份，今日本老hike黎分享吓報紙喺 camping 度有乜用。
保持食物新鮮
因為報紙有阻隔濕氣嘅作用，所以用黎包住食物時會尤如放落保鮮袋一樣，不過報紙有油墨，所以要清洗乾淨先好食用。
保冷
報紙有阻隔冷空氣外洩的功能，喺保溫箱未流行之時，往往會將食物、飲品雪凍後包報紙，效果相當唔錯。
----- 廣告 Ad -----
保暖
同理，將報紙包住自己，都非常有效阻隔外面冷空氣嘅入侵同防止熱能流失，但唔好做最外層，因為無保護性。
保護餐具及營具
當年啲裝備較貴及無咁考慮周詳，所以有部分係特別易碎及特別尖的用品就會用報紙包好再入袋，尤其是玻璃燈。
防潮墊用
當去濕氣高嘅時，可以用報紙墊營底，可以有效防潮吸濕，另外訓之前放張報紙入鞋內，都可以預防第二朝變水鞋嘅機會。
除油
報紙本身吸油力強，當去户外時煮完大餐後，用報紙抹枱、廚具等，之後一過水就已經成功除油，效果可比茶籽粉。
生火
80年代去露營BBQ是常識，無炭精唔緊要，有報紙就一樣做到，仲好耐燒。
報紙環唔環保呢，本老hike就無乜意見，但既然報紙有咁多好處，不妨今日大家都買返份看下門口，或者有日用得著。
----- 廣告 Ad -----
老hike都去camp
80後老hike一名 對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別