眾所週知,香港只能喺郊野公園範圍內「指定露營地點」露營 (如不是郊野公園範圍,會歸納於阻街),但一眾 campe r都會發掘就一啲偏遠地方或三不管地方統稱為「X位」,但「X位」都有可紮營或不可紮營的地方,今日由本老hike分享下有乜地方唔好紮營。

標高柱附近

標高柱,即三角測量站,係地政署用黎測量方圓幾十公里嘅地形、高度等,用作繪製地圖。如果喺標高柱附近紮營,係會影響測量工作。

直升機坪

直升機坪雖然唔常用到,加上又係平地,所以不少人會用來紮營。但如果附近有搜救行動時,直升機坪就發揮作用,而上面的營位就會妨礙搜救工作,影響救援進度。

主要行人道路

明白香港地少人多,有時揀無可揀嘅情況都要喺路中心紮營。但其實香港係有唔少夜晚操山嘅人,喺行人道路中間起營,令到山友要另搵新路,因而發生意外,到時你都過意不去。

人哋營門前

雖然大多營都係有雙門設計,但同你唔係好熟,唔駛咁貼嘅,營位一向先到先得,無位就自己諗方法解決,紮人門前,面斥不雅。

影響到他人地方

可能真係渴得太緊要,有見部份營友連私人地方都唔放過,甚至做出燒地、醉酒鬧事、大光燈亂照等行為,影響村民正常生活,要人出聲趕就無癮了。

露營係靠大家建立,你就下我,我幫下你,大家愛惜地方,先可以玩落去。如果有人唔乖乖地,地方就會爛,到時大家都無癮。

編按: 於非政府指定露營地點露營,可被檢控

原文載於 老Hike都去Camp


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 露營 Camping > 露營知識分享: 不能露營的地方