外國營友的DIY裝備

MYOG 全寫為 Make Your Own Gear,意指 DIY 一啲屬於自己嘅裝備 or 將裝備改裝。喺8、90年代相當流行,因為當年裝備非常之貴,選擇亦唔多。為咗可以獲得一啲好裝備,就要去MYOG。

MYOG 通常都會選擇做啲技術含量偏低如: 酒精爐、斜孭袋、小摺檯等,一來所需物料容易獲得,二來一啲無關痛癢嘅工具,至少出事都唔會影響生命先。

而 MYOG 大致 step (步驟) 分為:

Idea 主意

諗清楚做咩類型、原因、有咩特色、會用咩物料、最後成品係點等,天馬行空都無所謂,最緊要係有諗法!

Production draw 產品設計圖

當諗到想要一件點樣嘅gear (裝備),就畫佢出黎,同時寫底長度、大小、用咩物料等,方便自己計算可行性。

Purchase 採購

喺 prodraw 期間,應該已選定用咩物料去製作 gear,係金屬? 布料? 唔同的物料採購的地方唔同,如果無相關經驗,估計要試十間八間嘅貨辦先搵到一間合心水的商戶合作。

紙樣 / 模型

當物料都收集完成,就可以製造紙樣,紙樣係有減少過程失敗而做成浪費的作用,同時可以減少出錯後要修改的時間。

初次成品

當以上步驟做好後,就會出現鄒形。放心,鄒形九成都未如理想。唔駛氣餒,諗下過程有咩出錯再改善。

測試

當外型、功能近似自己理想後,就可以開始測試,測試原因係免去實戰時失靈同時搵出產品問題,唔同類型嘅gear有唔同測試方法,大致上分:安全性、耐用度、防水度、曝曬度等。

終極成品

過埋測試後,恭喜你,出現一件屬於自己嘅 gear 了,玩得開心啲。

外國營友的DIY裝備

MYOG 過程唔多唔少會參考其他品牌,MYOG 唔係錯,但唔好改少少就當自己設計推出去賣,請尊重知識版權,每一件設計都係 designer 用心研究所得的,過程相當花時間,亦唔好加個水印就當自家品牌,現今社會係無秘密的,被踢爆只會名譽掃地。

老hike都去camp 網站


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 露營 Camping > 露營知識分享: MYOG自己裝備自己做