香港的忽然戶外風,成功令到一眾香港人郁動起來,當中有部份有心學習的人,會搵教練幫手,但云云咁多教練,應該點樣嘅教練為之好呢?

雖然唔同運動有唔同教學,不過個模式都大同小異,一個好教練會:

1. 同學員建立信任感與安全感

有啲教練,只要佢喺你身邊你就會感得好安心,反之有啲你會覺得佢無理過你,相信大家都知邊一種比較好。當教練俾到安全感時,自自然然就會因為信任,所以會聽從安排,到時學習都會快咗。

2. 引導學員發現自己問題

人最大問題就係唔知自己有問題,所以一個教練要知學員個問題喺邊,一個好教練係令到個學員自己知自己問題喺邊,咁先令學生有心學習。

3. 助學員定立目標

當學員有興趣學,又知自己個問題時,就要幫佢set個喺課程完結前而可達到嘅目標,一黎學員會知道,完成時可獲得啲咩,二黎可以增加學員成功感。

4. 從旁觀察

好多教練都唔識放手俾學員去試,只係俾個教學指引佢,跟住練習就可以練成。

一個好教練係會放手俾學員去試,再慢慢執正,錯唔緊要,無受傷就得。

5. 檢討 Review

每堂完結時,好教練都會同學員用少少時間review今日做過咩,學咗啲咩黎conclude,同時教導閒時可以點做練習。

6. 適當嘅鼓勵

一個好教練,唔單止要幫到學員嘅身,仲要幫埋學員嘅心。鼓勵讚美依啲唔少得,同時要嚴肅教育學員,軟硬兼施。

一個普通教練,就係將佢所識嘅野教俾你。
一個好教練,係會引發到你對件事嘅興趣,再輔助你去完成,進而培育成為專業技能。
唔一定係教練先要學教人,作為前輩,帶領新手先都要學識點樣教人,咁先受人景仰。

原文載於老Hike都去camp


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 露營 Camping > 露營經驗分享: 山藝教練