Fitz > 運動 Sports > 行山 Hiking > 露營 Camping > 郊野公園燒烤場及營地繼續關閉 市民黑人問號

政府公佈最新防疫措施,4月會先後開放戶外兒童遊樂場、公眾泳池及泳灘等。不過,同樣係戶外活動設施,公眾燒烤場同露營地點,漁護署就講明復活節唔會開放。

漁護署於復活節長假前夕,仲透過 Facebook 提醒大家唔好喺有關場地生火,話會派員於郊外巡邏。

【…

Posted by 郊野公園教育活動計劃 Country Parks Education Programmes on Tuesday, March 30, 2021

燒烤場同營地仍然關閉

對於燒烤場同營地仍然關閉,唔少市民都有好多疑問,唔明白關閉呢兩個場所嘅理由:

  • 同樣位於郊野公園,點解行山就得,仲唔使戴口罩,但係BBQ同露營又唔得?
  • 去餐廳食飯可以四人一枱,BBQ最多咪四人一個爐,又點解唔得?
  • 營地點解要封? 每個營相隔1.5米,最多瞓4個人,又得唔得?
  • 長假期封閉營地,盞搞到啲人去晒「X位」偷偷地露營,嗰到無垃圾桶無廁所,仲會搞到啲地方污糟

其實如果當局有理據,又同市民清楚解釋封場原因,相信市民怨氣都唔會咁重。真心想問,幾時先有得堂堂正正露營同BBQ?


文章為作者意見,不代表Fitz立場。