----- 廣告 Ad -----
政府公佈最新防疫措施，4月會先後開放戶外兒童遊樂場、公眾泳池及泳灘等。不過，同樣係戶外活動設施，公眾燒烤場同露營地點，漁護署就講明復活節唔會開放。
漁護署於復活節長假前夕，仲透過 Facebook 提醒大家唔好喺有關場地生火，話會派員於郊外巡邏。
【…
Posted by 郊野公園教育活動計劃 Country Parks Education Programmes on Tuesday, March 30, 2021
燒烤場同營地仍然關閉
對於燒烤場同營地仍然關閉，唔少市民都有好多疑問，唔明白關閉呢兩個場所嘅理由:
- 同樣位於郊野公園，點解行山就得，仲唔使戴口罩，但係BBQ同露營又唔得?
- 去餐廳食飯可以四人一枱，BBQ最多咪四人一個爐，又點解唔得?
- 營地點解要封? 每個營相隔1.5米，最多瞓4個人，又得唔得?
- 長假期封閉營地，盞搞到啲人去晒「X位」偷偷地露營，嗰到無垃圾桶無廁所，仲會搞到啲地方污糟
其實如果當局有理據，又同市民清楚解釋封場原因，相信市民怨氣都唔會咁重。真心想問，幾時先有得堂堂正正露營同BBQ?
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。