----- 廣告 Ad -----
![](https://i0.wp.com/fitz.hk/wp-content/uploads/2020/02/魔鬼山-塞人-1.jpg?resize=714%2C960&ssl=1)
獅子山 圖: 網上圖片
可能經『行山銀行』MTs 推薦為最佳 WFH 活動,行山成為一些平日四肢不勤的香港人上周日最狂賀的消遣。喺英文人生教練馬米高製作的一集 BBC 大自然紀錄片中,他以標準英式英語指出人 hike 你 hike,香港人個 hike 特別污糟的。
究竟發生乜郊野事?
不要分得這麼細,大家都是炎黃子孫,香港人就是自私 hike,缺乏公德心。日本人戴口罩是因為怕自己的病菌感染到別人。香港人是驚你傳染到佢,所以戴口罩。反而一些有病的帶菌者多數不會戴口罩、還會喺自助餐食物前大大力打乞嚏和咳嗽、隨地吐痰之後用鞋底捽兩捽當無事、在焗朿環境一大班人打邊爐。
除了《從跑步中見識香港人有幾仆街》外,行山都可以。發生在上星期日的乜郊野事再一次印證香港無公德心的人係多L到你唔信的。如果攞佢地來填海造地,由石澳填開去,分分鐘填L到出去太平洋都得。
----- 廣告 Ad -----
柒宗犯罪
1. 未出發,先鳩興
剛過去星期天,我同超索港大比較文學碩士山女行山。由鑽石山坐巴士去井欄樹,一上巴士,甫坐下。
山女:「我diu!」
我:「做咩?」
山女:「邊條L人咁無公德心喺凳邊條罅度楔舊用完嘅紙巾呀? DKLM,仲係濕漉漉嘅。」
我:「隻手掂到呀?」
山女:「你話呢?」
我:「唔使怕,我唧啲精液畀你搓手。」
山女:「你講咩呀?」
我:「我學咗張建宗的語言偽術,我係話畀酒精消毒搓手液你清潔雙手。」
山女:「好好笑呀?」
全世界只有香港人會當條罅係垃圾桶。
2. 揸Benz去燒雞翼
不似外國,香港的郊野公園都有公共交通工具直達,其實十分方便,我見不到有需要要揸車去。郊區道路一般比較狹窄,部份更是單線雙程行車的。很多 holiday drivers 愛違例泊在避車處及行人路,不單會阻礙緊急車輛進入,亦都會造擠塞。違泊車主又不愛留電話,抄牌都是任你抄,當俾錢人睇著自己部車。
----- 廣告 Ad -----
![](https://i0.wp.com/fitz.hk/wp-content/uploads/2020/02/行山一窩蜂-3.jpg?resize=482%2C680&ssl=1)
圖: 網上圖片
3. 小喇叭
不少上年紀山友喜歡邊行山、邊聽歌。他們不愛用耳筒,喜歡開行哂一個聲音好拆的小喇叭播歌。當我在山上聽到粵曲、外地國語流行曲、抗疫神曲時……我係會想打人的。
4. 製造噪音
上到山,我只想享受鳥語花香,不想聽你高談闊論。山上還有其他人的,請顧及別人感受。最討厭是一些上年紀阿叔阿伯當行山徑是茶記,不斷地聲大大發膠論,講歪理,大放厥辭。簡直是另類環境污染,應該人道毀滅。
5. 以消費者自居
香港人是不懂珍惜和尊重大自然的,只會消費大自然。我們不比任何生活在郊野的動植物高等,要學懂與咫尺山林共存,不要立亂「爆林」殺出新血路、不要傷害沒有攻擊你只是路過的蛇、見到野豬野鹿時請勿騷擾佢地狂 selfie 出 post 呃 like。這種唯我獨尊的心態,與多元共融的大自然格格不入。
6. 至怕豬・Hike隊友,行山變燒山
香港發生的山火,大部分均是人為所致。全世界除了大劣之外,只有香港你係會見到有人叼著支煙去行山的,跟喺佢後面就仆街嘞。星期日晚間新聞報導,馬鞍山有山火。咁L鍾意食煙,行乜L嘢山吸清新空氣呢! 不如叫家人喺屋企裝個位畀你,由佢地日日燒俾你食啦。
7. 芝麻仁沒有一個是蘑菇的
當漫山遍野都是香港人時,便會產生一場生態災難。因為這一股人來瘋,本來風光秀麗的郊野,現在遍地膠樽、口罩、消毒濕紙巾。觸目所見,叫人痛心。
當一眾香港人在盡情破壞時,有一男一女年輕人在努力嘗試修復。我亦取出膠袋戴上手襪開始邊行山邊執垃圾。
這時有一位阿叔把一個自己用完的口罩遞給我,示意要我幫他丟棄。
「你當我食環呀? 自己垃圾,自己帶走。」
「車,我以為依家無哂啲垃圾桶,漁農處搵外判掃垃圾。」
「掃垃圾,掃你老母啦!」
----- 廣告 Ad -----
戥你高興 (DLGH),香港有郊野公園。但香港人值得擁有嗎?