[JoyeeWalker行山系列] 3分鐘行完 真・野餐聖地《山頂公園》

路線特色 :
真・野餐聖地，香港人既秘密花園
十分易行，環境清幽又帶點神秘
多個青青草原，任君選擇
但交通不算方便，要係港島再轉車上山頂。

宜：＃影靚相，＃情侶，＃戀人未滿，＃一家大細，＃行山初哥，＃三五知己
忌：＃一班麻甩佬（太浪漫），＃影山景

純文字攻略：（方便大家copy定行山時睇番）

• 係山頂凌霄閣集合，出發！
• 約10分鐘：左轉見到柯士匈山遊樂場，直去繼續前往山頂公園
• 約35分鐘：到迴旋處，左轉上樓梯。
  
• 約40分鐘：上完一小樓梯，直走會有樓梯再上，左轉則會接上馬路前往山頂公園，請左轉。
  
• 約45分鐘：見到分叉路，右轉為私家路，左轉繼續沿馬路行。
  
• 約47分鐘：有路牌，分叉路右轉上斜，左轉前往山頂公園。
  
• 約50分鐘：到達總督別墅守衛室。
  
• 約1小時05分鐘：離開總督別墅守衛室，沿路牌落樓梯就會到達真・野餐聖地。
  
• 約1小時25分鐘：離開真・野餐聖地，上樓梯後右轉。行若三分鐘後靠左上斜，到達山頂公園！