無知唔緊要，無知得嚟心腸唔好先至可怕。
講緊嗰位叫林健鋒，功能組別立法會議員，由455人選出。
立法會議員林健鋒
事緣環境局局長黃錦星，3月21日喺立法會介紹漁護署管理野豬嘅措施，包括為野豬避孕，以及安裝GPS晶片追踪野豬行踪等。
不過，呢位「尊貴」嘅立法會議員相當唔滿意，話野豬為患威脅市民云云。然後，爆住 seed 講咗句：
「如果局長行山時有野豬衝出嚟，撞咗你落山崖點算?」
相信，局長心裏一定講：「膠都廢事畀!」
人不犯豬 豬不犯人
野豬雖然係本地最大型嘅野生動物，亦長有獠牙，外表凶狠。不過，除非帶住 BB 嘅母豬，一般野豬都唔會主動避開人類。
所以，喺山上遇到野豬，絕對唔使用擔心佢會撞你落山，而應該咁樣處理：
- 保持鎮定，千祈唔好太大動作或大聲呼叫，與野豬保持一定距離，慢慢撤退
- 唔好嘗試同野豬有任何接觸，特別係野豬BB。
- 不要餵飼野豬
- 唔好試圖攻擊野豬，若野豬發惡回擊，有可能對會人造成嚴重傷害
林議員講到野豬好似猛獸一樣，要除之而後快，顯示佢對野生動物嘅有幾唔尊重。大佬呀，你人類入侵動物棲息地，仲惡人先告狀，想將佢哋趕盡殺絕?
有嘢唔識，可以問，可以學。不過心地唔好，就讀幾多書，賺幾多錢都無用。
部份野豬圖片來源：囉嗦大叔
同場加映：馬騮都唔可以餵
識得睇一定睇留言
Fitz 文章連結：https://fitz.hk/?p=89795
Fitz Facebook專頁
我家的動物朋友野豬先生
[野生動物] 箭豬會射箭傷人?
[郁民教室] 行山遇動物 先下手為強?
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。