今屆東京奧運吉祥物叫咩名大家未必記得，不過呢幾日奧運選手村有位「吉祥物」，相信無人不識。
呢位就係網球名將祖高域。東京奧運男子網球項目，費達拿、拿度雙雙缺陣，祖高域仍然代表塞爾維亞出戰，呢位一哥趁住奧運深入「民間」，即刻成為各國選手打卡對象，周圍都見到佢蹤影。
哄動選手村
外媒報道，祖高域去到選手村引來大批選手及工作人員排隊影相，好似話土耳其男女子排球隊、德國柔道隊，以至比利時體操名將 Nina Derwael 都有份。而黎巴嫰代表團 Physio 更搵咗祖高域拍攝短片，呼籲黎巴嫰國民要喺逆境積極向上。
在 Instagram 查看這則貼文
----- 廣告 Ad -----
祖高域向記者話，好多運動員都向佢請教點樣調節比賽時嘅心理壓力，而佢亦好主動分享經驗。
奧運期間，祖高域為咗爭取休息時間選擇住酒店，但日頭唔使打比賽時，仍然會去選手村同隊友一齊，希望提升團隊精神。
按: 東京奧運吉祥物係 MIRAITOWA (ミライトワ)，意指將永恆的希望傳達至全世界每一個人的心中。
資料: 英國衛報、Times Now News
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。