上面呢張圖,係中國舉重選手侯志慧贏咗金牌之後,《路透社》喺 Twitter 發嘅圖片。不過照片出街後,大陸網民指《路透社》故意用張咁醜樣嘅相,辱華。

而中國駐斯里蘭卡大使館,亦喺Twitter和應,話《路透社》唔尊重奧運精神、唔尊重體育精神,有違公正。

結果,唔少人指出新華社、新浪網、中國日報等官方媒體,都採用類似《路透社》嘅相片,仲反問如果張相如果醜化中國運動員,點解中國官媒都用呢個style?

大多數人都認為,專注做運動嘅運動員,其實先係最型﹐面容扭曲都只係證明佢盡緊力。亂咁批鬥嘅人,其實又幾識欣賞運動?

資料: HKFP


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 奧運 Olympic > 東京奧運.路透社辱華風波,官媒都用類似照片