國家領導人習主席話要藉住北京冬奧，帶動13億人民投入冰雪運動。不過北京冬奧比賽場地都要倚靠人造冰雪，民間想推廣滑雪、溜冰等運動談何容易? 好彩，大陸民眾創意爆燈，阻唔到佢哋二次創作。
最近，大陸網絡就掀起「民間山寨冰壺」，佢哋用包括砂煲、地拖、鐵鑊，水煲等家居用品比賽，連《紐約時報》亦專題報道，威震海外。
冰壺運動 (Curling) 源於16世紀，蘇格蘭人利用當地獨有嘅花崗石，創立咗一種推石運動，講求腦筋、專注力及合作性。第一個有記載冰壺比賽在1511舉行，1998年長野冬季奧運，冰壺首次成為正式項目。有人覺得，大陸這種「山寨冰壺」，雖可令民眾接觸冰壺，但只算徒有其形，未能認識這項運動的精粹，有點可惜。
----- 廣告 Ad -----
資料: 搜狐
