41歲 Amina Abdul-Jalil,早幾年因為媽媽患上乳癌,加上囝囝患有嚴重哮喘,情緒大受波動。幾個月增加10磅,更患上抑鬱症。佢為咗要重拾心情,迎接人生難關,就 join 咗跑團學跑步。

Amina 憶述,練跑都唔係最辛苦,因為跑團嘅人都支持佢,令佢都有信心。佢印象最難忘,就係練跑12周之後參加一場半馬比賽 (The Race, Atlanta)。

Amina 話當時只係學跑無耐,所以跑得好慢,佢只係跑咗5公里之後,急救站有位醫療人員佢講:「你跑得咁慢,跑到後面我哋嘅醫療站應該會關門喎……」

聽到工作人員都咁講,Amina 即刻想放棄,不過諗起跑團嘅跑友喺終點等佢,佢就咬緊牙關慢慢跑。越跑越少人,到最後3公里,條賽道剩番佢一個。

最後1公里,大會工作人員以及義工,齊齊衝出嚟陪佢跑埋最後一段路,令佢可以憑毅力衝過終點。


Amina 話,而家生活上遇到有咩唔開心嘅嘢,睇番呢條片,就會咬緊牙關,頂落去。跑完呢次之後,更激起跑步嘅興趣,呢兩年佢已經參加咗25場比賽。

做人嘅嘢,有時真係唔諗得咁多。以為自己跑得慢,大家會嫌棄你? 點知全部人同你一齊撐!

最緊要嗰句,都係勇敢踏出第一步,因為路係人行出嚟。

資料來源: CNN

Fitz連結: https://fitz.hk/?p=121546

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。