Fitz > 運動 Sports > 跑步 Running > 世上最寒冷馬拉松.俄羅斯教師零下53度3小時22分完賽

世上最寒冷嘅賽事,並唔係咩南極同北極超馬,而係俄羅斯遠東薩哈共和國 (Yakutia) 城鎮奧伊米亞康 (Oymyakon) 舉行嘅馬拉松。早幾日,當地舉行每年一度嘅馬拉松,65名來自俄羅斯、美國,甚至阿聯酋嘅選手,喺零下53度下比賽。佢哋都要著住又厚又重嘅衣物包裏全身,幾個鐘頭比賽,臉部水氣都結成冰霜。

結果,俄羅斯教師 Vasily Lukin 以3小時22分成為男子組冠軍,而女子組冠軍就由本地人 Marina Sedalischeva 以4小時9分贏得。

各組別冠軍均有大約 $1288 美元獎金,而全部參加者嘅完賽獎品,就係齊齊衝落溫泉暖身。其實舉行馬拉松嘅奧伊米亞康,位處北半球氣溫最低地區,被稱為「冷極」,每年最凍幾日氣溫低至零下70度。不過,村莊有個長年有熱水湧出嘅溫泉,係呢度地標。而呢場馬拉松比賽就以浸溫泉做獎品,可以話相當體貼。

資料: The Siberian Times


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。